رێكخراوا ساخه‌لمیا جیهانێ 300 ئامیرێن هه‌ناسه‌دانێ بۆ عیراقی دابین دكه‌ت
ئه‌ڤرۆ نیوز:
رێكخراوا ساخله‌میا جیهانێ ئامیرێن هه‌ناسه‌دانا ده‌ستكرد گه‌هاندنه عیراقێ و ب سه‌ر پارێزگه‌هێن وی دا پارڤه‌كرن، ئامیران پێدڤی ب گرێدانا بتلێ ئوكسجینێ نینه و ئه‌و بخو ژ هه‌وایی ئوكسجینێ دروست دكه‌ن.
ئه‌دهه‌م ئیسماعیل نوونه‌رێ رێكخراوا ساخله‌میا جیهانێ ل عیراقێ راگه‌هاند: رێكخراوێ 300 ئامیرێن هه‌ناسه‌دانێ بۆ عیراقێ دابینكرن، كۆ ژ گه‌نجینه‌یا دوبه‌ی ئینان ژ ئه‌وێ ژماره‌یێ 200 ئامیر گه‌هشتینه عیراقێ و بریاره ب سه‌ر پارێزگه‌هێن وێ دا بهێنه پارڤه‌كرن، ل چه‌ند رۆژێن بهێت 100 ئامیرێن دی ژی گه‌هنه عیراقێ.
نوونه‌رێ رێكخراوا ساخله‌میا جیهانی ل عیراقێ ئه‌و چه‌نده ژی راگه‌هاند ئه‌وان ئامیران پێدڤی ب بتلێ ئوكسجینێ نینه، به‌لكۆ ژ هه‌وای ئوكسجینی كۆمڤه دكه‌ت، هه‌ر چه‌نده ئه‌و 300 ئامیر تێرا پێدڤیێن نه‌خوشخانه‌یین عیراقی ناكه‌ت، به‌لێ ئه‌و فشارێ كێم دكه‌ت كۆ ب ئه‌گه‌رێ نه‌بوونا ئوكسجینێ ل سه‌ر نه‌خوشخانه‌یان دروست بوویه.
