ئیرانێ یورانیوم پتر هێڤێنكریه ژوێ رێژا بۆ هاتیه‌دیاركرن
ئه‌ڤرۆ نیوز:
ئاژانسا نێڤ ده‌وله‌تی یا ووزه‌یا ئه‌توم راگه‌هاند نوكه ئیرانێ 10 هنده‌ی ئه‌وێ رێژا یورانیومێ هێڤێنكری هه‌یه كو به‌ریا نها بو هاتبو دیاركرن.
ئاژانسا نێڤ ده‌وله‌تی یا ووزه‌یا ئه‌تووم سه‌ر ب نه‌ته‌وه‌یێن ئێكگرتی ڤه راگه‌هاند یورانیومێ هێڤێنكری یێ ئیرانێ نوكه 10 جاران هندی وێ رێژه‌یێ یه كۆ ل رێكه‌ڤتنا ئه‌تومیا سالا 2015 ژلایێ وه‌لاتێن زلهیزڤه بۆ هاتیه دیاركرن.
ئاژانسا ناڤبری ئه‌و چه‌نده ژی دیاركر تاران رێك ب لێگه‌ران دایه ئێك ژ ئه‌وان دو جهێن گومان ل سه‌ر هه‌ی كۆ پشتی سالا 2000 چالاكیێن ئه‌تومی تێدا هاتینه كرن لێگه‌ریانه‌كێ ل سه‌ر بكه‌ن، ئه‌و لێگه‌رێن ئاژانسا نێڤ ده‌وله‌تی یا ووزه‌یا ئه‌توم سه‌ره‌دانا ئێك ژ ئه‌وان جهان دكه‌ن و بۆ ئه‌وێ چه‌دێ نمونه‌یا ژینگه‌ها وێ وه‌ربگرن و ڤه‌كۆلینێ ل سه‌ر هه‌بوونا ماده‌یێن ئه‌تومی بكه‌ن، پاشی هه‌ر د ئه‌ڤێ هه‌یڤێ دا ل ده‌مه‌كێ دیاریكری بۆ هه‌ر ئه‌وێ مه‌به‌ستێ سه‌ره‌دانا جهێ دی ژی بكه‌ن.
د رێكه‌تنا ئه‌توومی دا بۆ ئیرانێ هاتیه دیاركرن كۆ بتنی 202.8 كیلۆگرامێن یورانیومی هێڤێن بكه‌ت، به‌لێ لگۆری راپۆرتا ئه‌وێ ئاژانسێ نوكه ئیرانی زیده‌تری دو هزار و 105 كیلۆگرامێن یورانیومێ هێڤێنكری هه‌یه.
