32 قوتابخانێن سنورێ په‌روه‌ردا ئامێدیێ دێ هێنە نووژەنکرن
ئه‌ڤرۆ نیوز، مه‌حمود نهێلى:
وەجیهـ سەعید مستەفا، رێڤه‌به‌رێ په‌روه‌ردا قه‌زا ئامێدیێ ئه‌ڤرۆ نیوز دیار كر: رازیبوون ل سه‌ر نووژه‌نكرنا ته‌ڤایا وان قوتابخانا هاتیه دان، ئەوێن پێدڤى ب نووژه‌نكرنێ ل ده‌ڤه‌رێ و گۆت: ( مه 32 قوتابخانه هه‌بوونه كو گه‌له‌ك د بێ سه‌روبه‌رن و پێدڤى ب نووژه‌نكرنى هه‌بوونه و هه‌روه‌سا ڤه‌دیتن بۆ هاتینه كرن و پشتى پارێزگارێ دهۆكى سه‌را ده‌ڤه‌را مه داى رازیبوون ل سه‌ر نووژه‌نكرنا وان قوتابخانا دایە).
ناڤهاتى دیار ژى كر: كو نووژه‌نكرنا ڤان هه‌موو قوتابخانان د پلانا ئه‌ى دا بووینه كو ئه‌ون یێن رازیبوونا ب له‌ز ل سه‌ر بهێته كرن و گۆت: ( د پلانا لدووڤ دا ژى وان چه‌ند پرۆژێن دیتر هه‌نه كو دێ هێنه ب بهئینان و چێكرن وه‌ك چێكرنا قوتابخانه‌یان و هه‌روه‌سا نووژه‌نكرنا وان قوتابخانه‌یێن ماى یێن نه‌هاتینه نووژه‌نكرن.
دهێتە زانین ل سنورى په‌روه‌ردا ئامێدیێ پتر ژ 130 قوتابخانا هه‌نه و پرانیا وانا ژى دو ده‌وامى لێ دهێته كرن و ژ بۆ چاره‌سه‌ریا ڤێ ئاریشێ ئه‌و پێدڤى ب ئاڤاكرنا چه‌ندین قوتابخانێن دیترن.
