به‌ره‌یێ ئیراقى كار بۆ لادانا حه‌لبووسى دكه‌ت
ئه‌ڤرۆ نیوز:
به‌ره‌یێ ئیراقى یێ سوننه‌یان ل ئیراقێ بزاڤا كۆمكرنا ئیمزایێن سه‌د و ده‌هـ ئه‌ندامێن جڤاتا نوونه‌ران دكه‌ت بۆ لادانا سه‌رۆكێ نها یێ جڤاتێ.
به‌ره‌یێ ئیراقى ب سه‌رۆكاتییا ئوسامه نوجه‌یفى كو پشكه‌كا مه‌زن یا سوننه‌یان بخوه‌ڤه دگریت كۆم بوو و ره‌وشا ئیراقێ گۆتوبێژ كر و بریار دا ئیمزایێن سه‌د و ده‌هـ په‌رله‌مانتاران كۆم بكه‌ن بۆ لادانا محه‌مه‌د حه‌لبووسى، سه‌رۆكێ جڤاتا نوونه‌رێن ئیراقێ.
محه‌مه‌د خالد، په‌یڤدارێ به‌ره‌یێ ئیراقێ بۆ میدیایا وه‌لاتێ خوه راگه‌هاند، به‌ره‌یێ ئیراقى كۆم بوویه و په‌یره‌وێ ناڤخوه‌یێ وى به‌ره‌ى و ره‌وشا دارایى و گیرۆبوونا مووچه‌یێ فه‌رمانبه‌ران و چه‌ندین پرسێن دى گۆتوبێژ كرینه.
ئاشكرا ژى كر، ئه‌ندامێن وى به‌ره‌ى رێككه‌فتینه ئیمزایێن سه‌د و ده‌هـ په‌رله‌مانتاران كۆم بكه‌ن بۆ ژێستاندنا باوه‌ریێ ژ محه‌مه‌د حه‌لبووسى، سه‌رۆكێ جڤاتا نوونه‌رێن ئیراقێ.
