سۆپایێ توركی گوندەوارێن عەین عیسا توپباران کرن
ئەڤرۆ نیوز:
سۆپایێ توركی و چەكدارێن سەر ب وی وەلاتیڤە، د بەردەوامن ل سەر توپبارانكرنا دەڤەرێن ل ژێر دەستهەلاتا هەسەدی ل رۆژئاڤایێ کوردستانێ.
ئاژانسا (سانا) یا سوری ئاشكرا كر، لەشكەر و چەتەیێن توركی چەندین گوند و دەڤەرێن سەر ب باژێرێ عەین عیساڤە توپباران كرن و زیانێن مەزن گەهاندینە مال و مولكێ خەلكێ وێ دەڤەرێ.
هەروەسا گۆتیە ژی، ژ ئەگەرێ هێرش و دەست درێژیێن بەردەوام یێن لەشكەرێ توركی و چەكدارێن توندڕەوێن سەر ب وی سوپایی ڤە، هژمارەكا زۆر ژ ئاكنجیێن گوندەوارێ عەین عیسا مال و دەڤەرێن خوە بجهـ هێلاینە و قەستا هندەك دەڤەرێن ئارام كرینە.