ئاوازه‌ك بۆ مه‌رگێ من
رزگار وه‌حید حسێن
من دیمه‌نێ زڤرۆكا بارۆڤه‌یا مرنێ
د په‌نجه‌را ئومێدێن زێندیبوونێ دا دیت
ژیان ل سه‌ر ملێن هیڤیان د نێڤ داربه‌سته‌كێ دا بوو
چه‌ند دێوێن ره‌ش
چه‌ند هۆڤێن ده‌ڤبه‌ش
چرا بۆ شه‌ڤێن یاخی بوویان هه‌ل دكرن
كرنۆشێن زێندنیبوونێ دبرن؟!
ژیان ل هه‌ڤدو پارڤه دكرن
نفشێ ئاده‌میزاد، دبوونه هۆڤێن مرازان
و ل دۆر كه‌له‌خێ مرنێ دزڤرین
هه‌ر یه‌كی دڤیا به‌هرا خوه یا گۆشتی
ژ ڤی كه‌له‌خێ مرار ببه‌ت
ژبۆی مان و زێندی بوونا خوه
چه‌ند یا سه‌یره، ئه‌ڤ ئاده‌میزاده ژ چو تێرنابیت!!
ته‌نێ ئاخ نه‌بیت ئاخ، هه‌ر ئاخه ده‌ستپێكا وی
و هه‌ر ئاخه داویا وی
