ئه‌نفال
ناڤێ ته درنده‌كێ وێران كه‌ره
به‌لێ ته ب په‌نجێن خوه
نازیا وژدانێ وێرانتر لێ كر
ژ سیبه‌را بابۆی
ژ گه‌رماتیا مامۆی
ژ سه‌برا خالۆوی
ته‌ڤ خه‌لكێ ژار
ته ب ساخی بن ئاخ كرن
ژ به‌هدینان هه‌تا گه‌رمیان
د گه‌لدا فه‌یلی و بارزانا جهێ شێران
ته ب زێمار و خه‌ملا ره‌ش كار كرن
ده‌مێ پابیری چیرۆكا چیچێ
بۆ من دگۆت
ئه‌ز ژ بیر ناكه‌م
چه‌رینا په‌زێ بابۆی
ئه‌و دایكا مها خوه ددۆت
ئه‌و خوشكا بۆ من هه‌ڤال
ئه‌و برایێ ب كار و بارێ زاڤاینیێ
ب ژڤانێ دیدارا بووكا نازدار
هێشتا شاد نه‌بووی
نه‌شێم ژبیر بكه‌م
چه‌ند دلڕه‌قی ئه‌نفال؟
ما ته چاوا سۆتن ل من ده‌شت و زۆزان
ته چاوا وێران كرن
ئه‌و گوند و وارێ مه یێ جوان
ته بۆ شێلاند كانیا ئاڤ زه‌لال
ماتو بێژێ ئه‌و ژ به‌ر خوه بكه‌ت
كراسی ره‌ش بووكا ده‌لال
دێ هه‌ڕه
یا مه ژ ته دیتی
كه‌سه‌كێ دی نه‌بینیتن
برینا ته چه‌ندا هاره
ل جه‌هنه‌مێ دا هند بچی خوارێ
و نه‌رابی ڤه ئه‌نفال
هه‌لبه‌ستا بازی
2021/8/20
