پایزا هه‌لزا شه‌پرزه‌یه ژ هه‌ڤوكێن ده‌شتێ
هه‌ژار قه‌رده‌شا
چه‌رخێ ب ئازار ژ دایك بوویم
هند كاریم ل خوه بنێرم… و
چاوا ده‌ست بدم برینا
هه‌لورینه هه‌لوشانن ژان ب ژان بێ خوه‌دینه
هه‌لویست سه‌ختن زمان چه‌قۆ بێ باوه‌رن….
ل به‌ندێ ئه‌ز هه‌ر ل وان بۆریمه
بێ بنیاتن بزاڤ له‌هیێن شه‌ڤینه
نه‌فامن
دیالێتك په‌رداغێن ریلێ نه
دڤه‌خوم لێ گرفتار مینا داركوكه‌ینه
قه‌راغێن بینیا هه‌ر دشێلن
د كۆمارا مێشكی دا سه‌رخوه‌بوون چو ئاماده‌بوونا خوه نینه
بێ به‌ندمانن گرێكن مه‌ینا وان فوبینه… لێ هه‌ر
شاش ئه‌زم
بێ فام ئه‌زم
زمان درێژ ئه‌زم
ئاته‌ش و گازنده ئاریشه هه‌ر ئه‌زم
ژبیر دكن په‌روه‌ردا وان هه‌ر ئه‌زم
چقاس ژ وه ئه‌زم
مخابن ئه‌ز نه ئه‌زم
هه‌موو قه‌بارا پیڤه‌ریێن خوه یێن نیاسین
حاشاتیه نه فریشته هه‌موو بوونه‌وه‌ر نه مرۆڤن
تنێبوونا من هه‌رۆ دكوژن
خه‌ونێن من بریاریێن وان
هه‌موو به‌لگه دژی من
هه‌تا كه‌نگی ل پشت تاریا شه‌ڤێ بچم؟ ما سپێده چقاس
دووره…. و ئه‌ز
راوستیانێ ژ پێن خوه ناكم
هزر ژمێژه كه‌تیه به‌ر بێ وه‌فایێ ژ من زێده‌یه
ل تۆلفه‌كرنا خوه بگه‌رم
چاڤێن ده‌می یێن په‌قین
یه‌ك هه‌ڤۆك هه‌موو په‌یڤا دبێژن
تابوون زانین نه‌فام رابوون كه‌ربێ
ده‌ستێ هه‌بوونێ گرت ڤه‌قه‌تیان فرین
د ناڤ ڤان رستان دا چقاس ژ خوه غه‌ریبم
بۆو وان شرۆڤه‌كرنێن كه‌س لێ نه‌زڤڕن
ناخوازم ئێدی ب چۆنێن وه دا بهێمه سیداره‌دان
ل گۆڕستانا هزرێن وه دا بێمه ڤه‌شارتن
هوون دزانن ئه‌ز ب دلێ دایكه‌كێ ژ وه حه‌ز دكم … و
گرنژینا من نه‌خشێ ژیارا وه‌یه
ژیار مرۆڤێن لاواز نانیاست
تنێ ژ من فام كن
به‌ری ببم یاخی
هوون ب ناڤێ پاڤژبوونێ من گوله‌كێ ئازا دكن…..
