ڤه‌ده‌ربوونا من عه‌وره‌ك ل هنداڤ كۆرسێ مژولانكێن ته
شێخ عبدولمقسود ئه‌لحوسینی
كورد جاره‌كا دی ژ دایك دبن و
دیسا ژ نوو دمرن
چیا مایه هه‌لاویستی دبیردانكا كوردان دا
هه‌ر وه‌كو خودای سوره‌تێ ئه‌نفال ب دو پشكان رێكری
پشكه‌ك ب ئه‌نفالا كوردان
د هانا چیایێ خه‌ملاندی ب كراسێ بووكانیا به‌فرێ چوون
چیایێ ڕه‌نگین ب ڕۆناهیێ.. و كه‌وا.
ل كۆپیتكا ئاڤابوونێ
دجله… زاب و فورات دهوورن
به‌ڕاز به‌ر ب هێلینێن كۆتران دچن
به‌ر ب ملێن تاریستانێ
هه‌ر وه‌كو چیا ده‌ستێ خوه بلند دكت
بۆ رێڤینگێن بۆرین و یێن دهێن به‌ر ب تاریستانێ
سیبه‌رێن خوه ل سه‌ر كه‌ڤڕان هشتن
چیا نه‌ڤیێ دایكا خوه‌یه
ب پێپه‌لیسكان هه‌له‌په‌ی چیایێ مێویژان دبن
دچن به‌ر ب خودێ و د ده‌ستێ وان دا كه‌سك و ئالا
كی دێ ل سه‌ر لێڤێن ته فێقیێ هشككری رێزكت
سولاڤێن بارانێ
ڤه‌دگه‌رنه بێده‌رێن عه‌وران وه‌كی كه‌رێن بزنا
دلێ من دپژه.. حه‌ز ژ ته دكم
دچم به‌ر ب دۆزه‌خێ
خودێ… خودێ
ڤه‌ده‌ریا خوه دئاشووپینم… و د هه‌وارا نهێنیێن ته یێن د جه‌ركان دا دئێم
چاكیێ دڕه‌شینم وه‌ك تۆڤێ كه‌نگران ل دۆرێن گوندێ بریڤا و سۆڕكا
هه‌چكۆ با د ناڤ تلێن ته‌دا، گوستیلكێن ئاڤابووی.
سیسنێن پایزان
با د ناڤ پۆڕا ته یا بژاله‌دا،
وه‌كی هێرشێن من یێن به‌رده‌وا من
ئو خافكێن من دبن كه‌فشێ من دا
دبن كه‌فشێ من دا،
وه‌لاته‌كی وه‌كی من ده‌ربه‌ده‌ر
ل ڤه‌كوشتیێن هندا دگه‌رم
هشیار بووم ژ سه‌رته‌خته‌كی وه‌ستیای،
هه‌ر وه‌كو ئاڤس ب بێهنا كولیكه‌شكان
بشكۆژێن مه‌مكێن وان وه‌كو بالنده‌كی ئاڤی نه، ل سه‌ر ته‌خته‌كی جه‌مه‌دێ
ئه‌ز ژ شه‌فه‌قێ ڤه‌ده‌رم
دوورم ژ بالیفكێن ژ داڤێن ئاڤرمیشی رێساین
دێ شینیا چیای ب داوی هێت
بنێڕه
گوڕی ژ بیردانكا به‌یهۆده‌یێ دچت.
دا ب سه‌ر چیای بكه‌ڤن و
په‌رستگه‌هێن مرنێ ببینن.
چه‌ند جوانه مرن
مرن ل سه‌ر چارچه‌فا چیای
مرن نه‌ڤیا ژ بیركرنێ یه
هه‌روه‌كی حلكه‌حلكا ده‌واران دبن بارێن تری ڤه
عه‌ور به‌ر ب هه‌ڤبه‌ندیێن ئاشكه‌را،
د پرتووكێن شینیێ دا دچن
ژن ناما دنڤیسن بۆ كێمیائێ
ژن ئاماده‌بوونا خوه دنڤیسن،
وه‌كی ستێرێن غیره‌تێ
ئه‌ی چیایێ داكه‌تی ل سه‌ر نهێنیێن چیا
خفس ل ئێلان دبارت، دا بژاله‌كن ل سه‌ر قرارگه‌هان
ده‌وارێن ژ گۆریێ. دا زه‌نگا كنیشتا لێبدن و
سفر، بیانی و
بێسه‌راشوونێن د كۆلانێن ته‌نگ دا
ئه‌رێ كورد دێ جاره‌كا دی ژ دایك بن؟
ئه‌رێ مه ئالایێن خوه‌لیێ هێلانه ل چیایێ تۆرس
ره‌فێن قۆلنگان و ئاگرێ جه‌نگێ
ئه‌رێ میلێن ده‌مژمێران هاتینه گوهارتن؟
ئه‌رێ پێكه‌نۆكێن جیهانێ ب داوی هاتن؟
وه‌رگێران: ئسماعیل سلێمان هاجانی
