شه‌ڤ و ڕه‌ڤ
له‌زگین گراڤی
شه‌ڤه شه‌ڤه
ل ڤی واری ڕه‌ڤه ڕه‌ڤه
شه‌ڤ و ڕه‌ڤه
ل وارێ من هنده ساله
كار هه‌ر ڕه‌ڤه.
ل ڤی واری. . ژمێژوه‌ره
ئه‌م ب هه‌ڤڕا. .
بووین پرسگرێك!
خوه ناكین ئێك
نینن چو ڕێك.
ئه‌م ب هه‌ڤڕه
ژ مێژوه‌ره هۆ به‌رهه‌ڤین
ل كۆمبوونان ل مێزگه‌ردان
نۆژه‌ن بكین دوباره‌كین
جاره‌ك دی مه
ب هه‌ڤڕا شه‌ڕه.
ب چه‌ك و گه‌ڤ
مه خوه كوژی یه‌و. .
شه‌ڕه ده‌ڤ
كارێ مه كوردان. .
بوویه ئه‌ڤ.
شه‌ڤه. . شه‌ڤه
ڕه‌ڤه. . ڕه‌ڤه
سه‌ربوڕ و وانه. .
بوون ئه‌ڤه.
هێزێن تیڕۆڕ. .
ل دۆرێن مه
دوژمنێن باب و كالێن مه
ئه‌ڤڕۆكه ژی. .
دوژمنێن مه
ژ مه ناگه‌رهن
هێش بن ده‌ستن
گوند و شار و. . چیایێن مه
هێش نه‌دیارن. .
كه‌چ و لاو و. .
دایك و پیر و كالێن مه
هێش دپرسین. .
هێش دترسین
ژ كۆمكوژێن. . وان تاوانان و. .
ئه‌نفالان
ل وارێ مه
ئه‌رێ گه‌لۆ . .
ما نه‌به‌سه ل ڤی واری
ئه‌م ب هه‌ڤڕه هێشتا شه‌ڕه؟
هێشتا ڕه‌ڤه و. .
كار بوو ئه‌ڤه!
شه‌ڕ و ڕه‌ڤه.
