یه‌لدا
هێ هێ پایز
یه‌لدا ژی ته ب ڕێكر
ئه‌و درێژترین شه‌ڤا من نینه
ل ده‌ڤ من
هه‌می شه‌ڤ بێ ته یه‌لدا بوون
كی دێ وان ب ڕێكه‌ت؟!
ژه‌هرا خه‌ریبێ
ناخێ من گرتن!
هه‌تا سپێدێ ئه‌ز یا وێ ژه‌هرێ دخوه‌م
چه‌ند من ئازار بده‌ت
ل به‌ر من شرینتره و
تێرنابم ئه‌ز
ماندی و بێزار نابم
ژ وێ ئه‌شقا ته كره د دلێ من دا
ئاگرێ ته كره د گورێ من دا!
ئه‌و شه‌ڤێن
مه د په‌نجه‌رێ دا سه‌رێ خوه دزڤڕاند
ئه‌و شه‌ڤ بۆرین بێ ته
ئه‌و گوهێن كه‌ڕ بوون
هێدی ناهێت ده‌نگێ ته
چاڤێن كۆره‌بوون
هێدی نابینن جوانیا ته
د تنێ بوونێ دا
من ل گه‌ل ستێرا تازیا ته دگێڕا
ل گه‌ل هه‌یڤێ دگریم
درێژترین شه‌ڤ بوون بێ ته
دلێ من یێ شه‌ری ل گه‌ل من دكه‌ن
یێن خوه دكه‌نه قاره‌مام و ڕۆمان
خوه دكنه چیرۆك و هوزانا
د لێگه‌رنا دلێ ته دا هندابوون
دلێ ته ڤالایه
په‌ربه‌ڕێن ساده‌یه
ناڤێ ئه‌شقێ ل سه‌ر نه‌نڤیسیه
یاریان چاڤ گرتنێ
وه‌كی زارۆكینیێ ل گه‌ل من دكه‌ن
دێ وه‌ره
ژ من فێری ئه‌شقێ ببه…
فێری هه‌ست و ڤیانێ ببه…
فێری خه‌ریبیا شه‌ڤێن درێژ ببه…
دێ وه‌ره
بلا ئه‌و ژه‌هره ته ژی به‌ر ب مرنێ ببه‌ت
به‌لكی ڤان شه‌ڤێن درێژ
ب هه‌بوونا خوه كورت بكه‌ی
ئه‌شقا مه
ب ڤیانێ ناڤ بكه‌ی.
رێژین حكمه‌ت
