دلۆپه‌ك ژ به‌حرێ
حسێنێ ده‌لێنه‌وی
ڤیان یا د ناوسكه‌كێ دا
شوون په‌نچێن
ئه‌هریمه‌نه‌كی ل سه‌ر نه‌خشاندینه
د مژ و مۆرانه‌كێ دا
ل ده‌ڤێن گه‌لیێن كووردا
ل باهوزه‌كێ دا
د ره‌شه‌بایه‌كا هار دا
دهێته جه‌نجه‌ركرن
د كڤانێ نێچیرڤانه‌كێ دا
بگره و بكێش
بالنده‌یا ل ئاسمانا
دبژێرن
ل سه‌ر ده‌ستێن عه‌فریتا
بله‌ز دهێن!!!!
ڤیان و ژیان
ل به‌ر سمێن ماهینێن كحێل
ده‌همه‌نێن پیره دایكێ
بووكا ل به‌ر په‌ریێ
كچا ژ نوو گه‌هشتی
كرێت و شه‌رمه‌زار دبن
٭٭٭٭٭٭٭
دلۆپه‌ك ژ ئه‌قیانوسی
كێلبێن ب خوین
ده‌ریا ژ خوینێ سۆر
ل سه‌ر سنورا
فرشك دبن
ناڤ لێ دنێن كۆچبه‌ر
به‌فر ژ
ره‌نگێ خوینێ
گیان ژ
ره‌نگێ ئاخێ
پیر ژ
بێ هێڤی بوونێ
گه‌نچ ژ
بێ زاریێ
مینا به‌به‌غان
ل دارستانا دخوینن دبسترن
ئاوازێن شه‌رمه‌زاریێ
دژه‌نن
٭٭٭٭٭٭٭
دلۆپه‌ك ژ رومه‌تیێ
یێ ده‌ست و پێ لێ له‌نك بووی
گیان لێ كون كون بووی
هێز و شیان لێ خاف بووین
رۆژێن سه‌خت و دژوار
ژ بیردانكا وی فورمات بووی
ڤه‌رێژا ڤێ كه‌دێ
مه‌شتی
زبلدانه‌كا سكێرتێره‌كێ و
دیوانا
سه‌رۆك جاش و ئاغایا دبوون!!!
10/11/20121/ كۆرا
