ده‌مێ خه‌م دبنه كه‌ڤرێن ئامه‌دێ
ده‌یكا دالیایێ
د په‌رستگه‌ها بێ هوده‌یێ دا
خه‌م گۆ ڤه‌ندێ لسه‌ر كه‌له‌خێ مریا دكه‌ن
سمێن زه‌مه‌نی نووژه‌ن دكه‌ن..
په‌یڤ ل سه‌ر ئه‌زمانێ من لال دبن و
ئاخینگێن من ڤه دچوین و
ڤه‌دچنقم ئه‌ز..
ب شاڤا رۆژێن زۆری
ئه‌ز دادعویرم..
ده‌مێ خه‌م دبیته قه‌ڕالێ ڤی باژێری
كه‌ڤرێن ئامه‌دێ دسمن
هه‌می په‌یڤ د فه‌رهه‌نگا خه‌ونێن من دا
دهه‌لوه‌شن و خوزێك دبنه سه‌رهاتیه‌كا شه‌رمێن
د همبێزا ڤی كه‌ونی دا
دبنه شه‌كال..
ئێدی نه‌ما كرنژین سه‌مایێ
ل به‌ر لێفئاڤا بكه‌ت
چیا دبنه هه‌ڤالچێمكێن تاڤه هه‌یڤێ
لێگه‌ریان ل خوشیا دبیته برووسی و
راستا كه‌چ دكه‌ت
