وه‌غه‌را پێنگاڤه‌كێ
تلیلیێن دایكا من
ب داره‌كا خرش هه‌لاویستینه
نه زڤره‌ڤه
ڕه‌نگێن جه‌ژنێ
ل بن عه‌ڤرییا ته ڤه‌شارتیینه
نه زڤره‌ڤه
كار و شه‌وقا پۆشیێن كچكا
ئێك ڕه‌نگ بووینه
نه زڤره‌ڤه
بابه‌لیسكان
یاریێن زارۆكینییا مه
دگه‌ل خۆ برینه
نه زڤره‌ڤه
چیرۆكێن عاشقێن گوندێ مه
ل بیابانا ڤه‌شارتینه
نه زڤره‌ڤه
ئه‌سمانی پشتا خۆ كریه مه
گونه‌هبار ئه‌م ل قه‌له‌م داینه
نه زڤره‌ڤه
ئێدی پێنگاڤێن مه فێری
وه‌غه‌رێن بێ به‌هی بووینه
نه زڤره‌ڤه
سۆربوونا به‌فرێ
جاده‌یێن مه سڕ كرینه
نه زڤره‌ڤه
ده‌نگێ لالشا نۆرانی
ب خوینێ كز بوویه
ئێدی نه زڤره‌ڤه.
رۆژا مه‌جید
