په‌لا هه‌لزا دجانێ فاوله‌ك تێر ماچ دا
هه‌ژار قه‌رده‌شا
ئه‌ز پاشی ل دووڤ من تو
مینا وه‌كهه‌ڤیا شه‌ڕ و ئاشتیێ ددین
ژ هه‌ڤ نابین… و
ژ یه‌ك ب مه‌ودا جودا نابین
ئاشنابوون دناڤا هه‌ڤ دا مینا قه‌ره‌بوویه‌كێ نه
نه زه‌مان مه دگه‌هین هه‌ڤ و
نه دووری مه ژ هه‌ڤ ب ڤه‌قه‌تیان دكت
كاودان فراڤینا دره‌وكه‌ره‌كێ نه
دسه‌ر خوه‌بوونا غه‌ریبیێن هه‌ستان دا
ژیار ژ وه‌رارا خوه به‌رسڤه
بو هه‌مبێزا جوتبوونێ
بێ ئاگه‌هی گیروبوون نه‌فه‌سا شه‌ڤێ یه
لاندكا هه‌بوونێ دبت لایێ لایێ
له‌وانه بزاڤه
د ئه‌لندا جه‌سته‌یێ سپێده‌یێ دا هاویش كت
ئاخر ژی گه‌هاندنه‌كه بۆ گه‌ڕا خوه یا نه‌خویا دچت
ئازار په‌نابه‌رییا فه‌لسه‌فا ئاهێ یه
ژ بۆ ده‌روونێ بێهنا ته‌مامكه‌رێ خوه بچت
ئێتیمیا هه‌مبێزێ ڕۆژا عه‌ره‌فێ یه
خوه دئاسۆده‌یا دا ناگرت
چاڤ دبن پرتێن عه‌ورا
خوه‌به‌خشی بیرهاتنا دشۆن
ترسم هاتین مۆزه‌خانه بت
زه‌مه‌ن بۆری سارێژ نه‌كت كو بێژم مرۆڤم
ئه‌ڤ هونه‌ر نه یێ منه
دڤیا راستیا دگه‌ل خوه بێژم
ژ ته ئاخینك تێرا من هه‌نه تا مرنێ
شین ببه ژ فامبوونێ قێری ئێدی نه‌زانییا پێژه‌نا ناگرن
دو جا نابۆرم
بیت جاره‌ك دن هه‌ڤ ببینن
لێ دل جێاواز بن
نه پوشمانی و غه‌ریبی دووری و
به‌ندمانی سزادان ئاخ و ئۆخ ده‌روون گری
نابن به‌لگه
هه‌ره فاتحه‌كێ ل سه‌ر هه‌بوونا خوه بخوینه
ژمێژه ل جه‌م من مری.
