ڕۆژانه‌یێن نه‌ورۆزێ
یاسین دێره‌شی
(1)
ژئاگرێ نه‌ورۆزێ
هه‌ستێن من
ب ئاخێ و وه‌لاتی ڤه هاتنه گرێدان
گیانێ من
چ جارا ژ مرنێ نه دڕه‌ڤی
ژ بهارا نه‌ورۆزێ
ب جوانی و ئه‌شقا
كچا ڕۆژێ ڤه
بوونه مه‌مویه‌كێ سه‌رخۆش
دڤی مه‌مله‌كه‌تی دا
بوونه ده‌روێش و گه‌ریده
كا تۆ دلبه‌ر …؟
(2)
دێ وه‌ره دلبه‌ر
دا ژ ڕۆناهیا چاڤێن ته
ئاگرێ نه‌ورۆزێ هه‌لكه‌م
ژهه‌ستێن ته یێن ئاشق
ڤێ نه‌ورۆزا
بێ بهار و سار
ژگیانێ ته گه‌رم بكه‌م
ژ په‌یڤێن ته
پڕی گول بكه‌م
تو جوانترین بهاری
ژبه‌ر دادیا ڕۆژه‌ڤێ
ژ ئازادیا خۆ دودل نه‌به
(3)
ڤێ ئیڤارێ ڕه‌نگ و جوانیا ته
دگه‌ل كولیلكێن بۆ هیڤا تێكه‌ل دبوون
ده‌مێ باران دباری
بێهنا پرچا ته و ئاخێ
دول و نهال پڕ دكرن
هه‌ست و حه‌زێن بهاری
دگیانێ‌َََ ته دا
هیڤی دچاندن
هندی چاڤێن نه‌ورۆزیا
وێنه دگرتن
ژێ تێر نه‌دبوون
تۆ چه‌ندا خوین شرینی
دل دپیراتێ دا
پێتر ئاشقی ته دبوون
