شۆره‌شا پێشكه‌فتنخواز
سه‌گڤان ئه‌حمه‌د … زاخۆ
ل بیست وشه‌شی گولانێ
ل سالا حه‌فتێ و شه‌شێ
شێر ب ڕێز هاتن مه‌یدانێ
هل بوو ئاگرێ شۆره‌شێ
***
په‌چكه شێرا وان خوه‌شمێرا
ده‌ست دان چه‌كی مل ب مل
هه‌میا پێكڤه شۆره‌ش گێرا
بوونه ئێك ده‌ست و ئێك دل
***
ئه‌وان پێشمه‌رگێن قه‌هره‌مان
باوه‌ری وسۆز و هه‌ستا
تۆماڕ كرن هزار داستان
دا ڕزگار بن ژبن ده‌ستا
***
ب شه‌ڤ و ڕۆژا دكرن بزاڤ
ل ڕێكێن دژوار و سه‌خت
دا ده‌ركه‌ڤت ئه‌لند و تاڤ
شه‌ڤ تاری ببت مشه‌خت
***
وان سینگ مه‌تال و ئاسنا
هه‌لگرتن ئالا دۆزێ
شكه‌ستن كه‌ته ل ناڤ دوژمنا
گه‌ش بوو ئاگرێ نه‌وروزێ
***
دیده‌ڤانن بۆ خه‌باتێ
كه‌ڤر و چیا ودار و ته‌حت
شێره ژنا ل شه‌ڤ تارییا
بۆ پێشمه‌رگا نان د په‌حت
***
ل چار سنوورا ده‌نگ ڤه‌دا
شۆره‌شا پێشكه‌فتنخواز
ده‌ست ژ دۆزێ مه به‌رنه‌دا
ته‌ڤ بوون عه‌گید و گه‌لناس
***
ئه‌وی هه‌ستێ كوردینیێ
ل ده‌ڤ هه‌میا به‌رز و بلند
ژ بۆ ڕۆژا سه‌ربه‌ستیێ
هه‌میا خوه دكر چرا و فند
***
هێما ودرۆشمێ شۆره‌شێ
یان كوردستان یان نه‌مان
سه‌ركێشێ ڕێكا خه‌باتێ
خودانێ ناڤێ گران.
