بیرهاتن
زه‌نون سلێڤانه‌ی ـ زاخو
ئه‌رێ بیرا ته دئێت
هێشتا ئه‌ز و تو
زارۆك بوون
ل ژڤانێ من ته
ژبه‌ری رۆژ ئاڤا ببیت
ل دارا بنێ گوندێ مه بوو
دێمێ ته‌یێ ب حه‌نك و گڕنژین ڤه
من وته گه‌نگه‌شه و یاری دكرن
جار جاران ته
ل پشت قورنه‌ته‌كا دارێ
ته خوه ژ من دڤه‌شارت
ته ناڤێ من و خوه
دگه‌ل وێنه‌كرن و
نه‌خشێن دلێن عاشقا
ل سه‌ر قورمێ دارێ
ته دنڤیسیێ و چێ دكرن.؟
به‌لێ چپبكه‌م
قه‌ده‌رێ هوسا حه‌زكریه
وه‌ك خه‌ونه‌كێ
زوی ده‌رباس بوو
ئه‌و دارا بیرهاتنێن
من و ته
ل سه‌ر هاتیه نڤێسین
وێنه‌یێن دلا ته نه‌خشاندی
چ زوی هشك بوو
ب تنێ ته بیرهاتن و
خه‌م و كه‌سه‌ر
بۆ من هێلان
ئه‌م ژ هه‌ڤدو ڤه‌قه‌تیاین.
