ته چیه؟!
خه‌لات محه‌مه‌د
دره‌ڤم .. دره‌ڤم
ل هه‌ر ده‌رێ زالگه‌هێن ته نه
پێش و پاش بێ دوریانن
نزانم هێش ته دڤێت كوشتی بكوژی
قه‌داحێن ژه‌هرێ هێش د لێڤا سه‌ری داببه‌ی خوار
نزانم چیه دهێت پێش ؟
سینگێ غوربه‌تا من تابلۆیا مرنێ یه
رۆناهیا رۆژا من ئاگرێ ژیانێ
به‌لایا مرنێ، توی مرنێ دمرینی
كا هێش ئه‌ز و ئه‌ز نزانین ته چیه ؟
ل رۆژا رۆناهیا دێم و بالێ هاتیه دیتن
ژ ئال و ئالێ دی ل رویێن قورمزی
شه‌رم و ترسێ كار دكر
فیغانا تنێبوونێ هاوار دكر و گازی دكر
د من بگه‌هه، من ببه، ئه‌ز دبم تو
و تو یێ تژی ئه‌ز
نزانم چیه؟
هه‌ست پێ دكم تو گونه‌ها خێرای
د شه‌رێن من یێن دگه‌ل مرنێ دا
تو ئاڤ و ئاگری
تو باران و هه‌تاڤی
كی ته دگه‌هیت؟
ب تنێ ئه‌زێ ئه‌زم
وه‌ره ببم نۆژدارا چاره‌سه‌ریێ
مرنێ بمرینن
و ئه‌ز و تو ژیانێ ب ژیان بكن
وه‌ره دا ڤێ گونه‌هێ لاده‌ین
ژیانێ ب ره‌نگێ جوانیێ ره‌نگ بكن
نوكه دزانم كا ته چیه.!
