هژیرا به‌رچقی
ئیسماعیل مسته‌فا
هه‌ر ئه‌م دیتین ب گه‌رمی پێشه‌وازیا مه‌كر, یا دار بوو گه‌له‌كا خه‌ریب بوو , یا مافداره ئه‌ڤه ساله‌كه ئه‌م نه‌دیتین .. یا ب كراسه‌كێ ره‌شێ زێده جوان و ده‌ستماله‌كا سپی دگه‌رده‌نا خوه یا كێل ئالاندی… ب له‌وه‌ندی و سه‌ر ده‌لنگێن سپی جوانیا وێ پتر خویا دكر, ب وان چاڤێن ره‌ش و گه‌ش نازداری خلاس كربوو , مه ده‌ست دا جانته وتشتێن خوه ئه‌و ژی ب ناز و وگراڤی به‌ری مه چوو هه‌تا گه‌هشتین نهوما دووێ, ده‌رگه‌ه ڤه‌بوو دگه‌ل مه‌دا چوو هه‌می ئودان مهێڤانخانێ … لێنانگه‌هێ ب ئاورێ خوه ل سه‌ر و چاڤێن مه تێر مێزه‌كر پشتی دیتی ئه‌م د ئارام وكه‌یفخوه‌شن .. دوباره دوجارا سه‌رێ خوه چه‌ماند و بلندكر ژبۆ بخێرهاتنێ و ژ ده‌رگه‌هی ده‌ركه‌ت.
هزرا ئه‌ز پێچام و دویربرم، كه‌یفا من گه‌له‌ك ب ڤێ پێشه‌وازیێ هات. من ددلێ خوه‌دا گۆت تو گه‌له‌كا ب شانسی هۆسا ب نازداری ودلۆڤانی مه‌زن بووی د ژینگه‌هه‌كا پری عه‌شق وڤیان په‌یدابووی. راستی توگه‌له‌كا ب به‌ختی ئه‌گه‌ر ل وه‌لاته‌كێ من بای دا ئازو و شێر و هولانێ ب ته كه‌ن وه‌كی هژیرا په‌رچقی ته هاڤێنه سه‌ر جاده‌یێ ئه‌ی پشیكا نازدار و ب شانس.
