عه‌بادى ئه‌ڤ پێنگاڤه هاڤێت، دا 500 ملیون دولار نه‌گه‌هنه ده‌ستێ هه‌رێمێ
ئه‌ڤرۆ نیوز:
عه‌بادى بزاڤ یێن كرین كو رێكێ ل ئه‌نقه‌ره بگریت بۆ دانا وان 500 ملیون دولارێن كو پشتى سه‌ره‌دانا نێچیرڤان بارزانى بۆ توركیا بۆ هه‌ولێرێ هنارتین.
رووداو ل ژێده‌ره‌كێ تایبه‌ت كو ژ ئه‌نقه‌ره بده‌ستكه‌فتى نه، به‌لاڤكریه، حه‌یده‌ر عه‌بادى سه‌رۆك وه‌زیرێن عیراقێ مه‌ره‌ما وى ژ وێ په‌یوه‌ندیا ته‌له‌فونى كو ئێڤاریا 20 ڤێ هه‌یڤێ ل گه‌ل ئه‌حمه‌د داود ئوغلو سه‌رۆك وه‌زیرێن توركیا ئه‌نجامداین ئه‌وبوویه كو رێگریێ ل وى پاره‌ى بكه‌ت كو توركیا ب ژڤان بوو بۆ هه‌رێمێ بهنێریت.
عه‌بادى د وێ په‌یوه‌ندیا ته‌له‌فونى، داخواز ژ ئوغلو كریه، كو چ هاریكاریێن دارایى نه‌ده‌نه هه‌رێمێ، به‌لێ سه‌رۆك وه‌زیرێن توركیا گوتیێ كو ئه‌و پاره ژ ئالیێ بانكه‌كا توركى ب قه‌رز دێ ب هه‌رێمێ هێنه دان.
شاندێ هه‌رێمێ پشتى سه‌ره‌دانا ئه‌نقه‌ره كرى، كوژمێ 500 ملیون دولاران ژ توركیا بۆ هه‌رێمێ ئیناینه.
