فه‌رهه‌نگه‌كا بچووك كری ژ بۆ وان –مێیان-
نڤیسین: ئه‌دوونیس
وه‌رگێران: خالد عه‌لی.
(أ)
وێ؛ ژیانا خوه وه‌ك ئاگره‌كی كت ده‌ست پێكر
و خوه‌لییا وێ بێ وه‌كهه‌ڤییه (هافتایه).
(ب)
ئه‌ڤینا وێ
شێوازێ رابردۆییه
لێ؛ ته‌نها دگه‌ل پاشه‌رۆژێ دانوستاندنێ دكت.
(پ)
ل ده‌وربه‌رێن دیوارێن خانیێ وێ
رۆناهی له‌رزی
ده‌مێ ب ملێن من كه‌ڤتی
ژ راست:
نه گیانه ل بیرا خوه دئینت
به‌لكو له‌شه.
(ت)
حه‌زكرنه‌كه –
سینگه‌ك ڤه‌كریه
لێ وی سینگی ده‌نگه‌كێ هه‌یی
وه‌كی ده‌ڤۆكه‌كا ژناڤچووی.
(ج)
حه‌زكرنه‌كه –
كۆله‌دارییه‌ك
ژ قۆریێن ئه‌به‌دییه‌تێ ئازاد دڕژت.
(د)
سپێده له‌شێ وێ دخه‌لمینت
و له‌شێ وێ
شه‌ڤێ دخه‌لمینت.
(ژ)
پارفۆما وێ
(كۆما) و (مۆڤمێنتس)ێن په‌یڤانه
د پرتووكا له‌شێ وێ دا.
(ر)
ئه‌و كه‌له‌خێن خه‌ونێن وێ زێره‌ڤانی لێ دكرین
چه‌ند گه‌له‌كن
وهێشتا یێن زێره‌ڤانیێ لێ دكن.
(ز)
باشه، بلا وه‌ك ته بت،
ئه‌ز دێ بلند گه‌هم كۆپیتكا ئاشۆپا ته
و سه‌رێن كه‌تواری تام دكم.
(س)
نه ده‌ستێن وێ
نه پێنگاڤێن وێ
ب تنێ له‌شێ وێ یه ئاسۆیان ڤه‌دكت.
(ش)
حه‌زكرنه‌كه –
ئه‌خته‌رك خازخازۆكیا بۆشاییێ دكت.
(ص)
ژ نڤینا ئه‌ڤینا وێ
ئه‌ڤ ژیانا ته كه‌رب ژێ هه‌ین
ده‌ركه‌ڤت.
ژێده‌ر: په‌رتووكا (ده‌ستپێكا له‌شی…دوماهیكا ده‌ریایێ)
