چه‌وا نزانی
سه‌یفوللا موحه‌مه‌د
گه‌ر شه‌ڤ و ڕوژ هزرێن ته بكم
ل ـناڤ هـه‌ڤالان به‌حسـێ ته بكم
هــه‌می ده‌مــان بێــریـا ته بكم
چــــه‌وا نزانی حــه‌ژ ته دكم؟
ئه‌گـــه‌ر نامه‌كێ ب شـــینم
ژ دو دلان ب نه‌خـشـــیـنم
تیرێن عه‌شقێ لێ ب وه‌شینم
ئه‌رێ دێ زانی حه‌ژ ته دكم؟
گه‌ر ئه‌ز بیـنم گوله‌كا گه‌ش
یا جوان و بێهنا وێ خوه‌ش
بێخم ناڤ پرچا ته یا ڕه‌ش
چــــه‌وا نزانی حه‌ژ ته دكم ؟
گه‌ر هـوزانه‌كێ ب ڤه‌هیــنم
ناڤێ ته ژی دگه‌ل دا بیــنم
ئاواز بكــــم بســـتریـــنم
ئه‌رێ دێ زانی حه‌ژ ته دكم ؟
ئه‌گــه‌ر هاتــم دڕێـــكا ته‌دا
من خوه ژپێشـیا ته نه‌ڤه‌دا
سـێڤه‌كا سۆر ل سینگێ ته‌دا
چــه‌وا نزانی حه‌ژ ته دكم ؟
گه‌ر ب دم سۆزا سـۆزدارا
وه‌كــو هه‌می ئه‌ڤیــــندارا
كـو ته نه‌هێـــلم چ جـــارا
ئه‌رێ دێ زانی حه‌ژ ته دكم ؟
ئه‌گه‌ر بێـژم ئه‌ز فه‌رهادم
ســــلیـڤیـمه ســـیابه‌ندم
یانژی مـه‌مێ بێ مــرادم
چــه‌وا نزانی حـه‌ژ ته دكم ؟
ئه‌گه‌ر سینگێ خوه بكه‌لێشم
دلێ خـوه بۆ ته ژێ بكێشــم
ب هه‌ڕشــــینم گـڤـێـشـــــم
ئه‌رێ دێ زانی حه‌ژ ته دكم ؟
ئه‌گه‌ر هه‌سپه‌كێ بۆز بینم
ته ســیار كم ب ڕه‌ڤـیـــنم
ل ناڤ عه‌شـیرا ب گێــڕیـنم
چه‌وا نزانی حه‌ژ ته دكم ؟
ئه‌گه‌ر من هه‌نه دل و جان
من هـه‌نه ڤیــان و ژیـــان
پێكڤه بۆ ته بوونه قوربان
ئه‌رێ دێ زانی حه‌ژ ته دكم ؟
