جه‌ژنا رۆژیێن ئێزی دێ هێته گیڕان
سێمێل، دلڤین ره‌شید:
رێڤه‌به‌رێ كاروبارێن ئێزدیان بۆ رۆژناما ئه‌ڤرۆ دیار كر، جه‌ژنا رۆژیێن ئێزی ئێك ژ كه‌ڤنترین جه‌ژنێن ئێزدیانه، دكه‌ڤیته مه‌ها كانوونا ئێكێ، به‌ری جه‌ژنێ ئێزدی سێ رۆژان ب رۆژی دبن، ئانكو سێشه‌مب و چارشه‌مب و پێنجشه‌مبێ ب رۆژی دبن و رۆژا چارێ دبیته جه‌ژن، ل سه‌رانسه‌ری ده‌ڤه‌رێن ئێزدیان رێوره‌سمێن ڤێ جه‌ژنێ دهێنه گێڕان و ئه‌ڤ ساله ژی رێوره‌سمێن وێ دێ هێنه گێڕان.
جه‌حفه‌ر سمۆ، رێڤه‌به‌رێ كاروبارێن ئێزدیان گۆت: “ئه‌ڤ جه‌ژنه ژی وه‌ك پڕانیا جه‌ژنێن دی یێن ئێزدیان گرێدان ب سروشتی ڤه هه‌یه، به‌ری جه‌ژنێ هه‌ر ماله‌كا ئێزدی قوربانیه‌كی سه‌ر ژێ دكه‌ت، ل دووڤ پێچێبوونا خوه، گرنگیا ڤێ جه‌ژنێ بۆ وێ چه‌ندێ ڤه‌دگه‌ریت، ئه‌و رۆژیگرتنه بۆ خودێ یه، د ڤێ جه‌ژنێ دا گه‌له‌ك خێر و خێرات دهێنه گێڕان و ئێزدی سه‌را گورستانێن مریێن خوه دده‌ن و ل وێری ژی خێرا خوه ل سه‌ر هه‌ڤ به‌لاڤ دكه‌ن”.
