سه‌ره‌كى ئەدەب وه‌سیه‌تنامه‌یا بیرهاتنه‌كێ كو ل به‌ر ده‌رازینكا برینان، خوه فێركریه ئه‌لیف بێتكێن ئاریانێ
وه‌سیه‌تنامه‌یا بیرهاتنه‌كێ كو ل به‌ر ده‌رازینكا برینان، خوه فێركریه ئه‌لیف بێتكێن ئاریانێ
دلدار محه‌مه‌د
بیریا چ ؟ هه‌می بیری وه‌ریان، خه‌مل ژ فه‌رهه‌نگا وه‌رزان ئیناده‌ر، ما تو بسكێن سپی ب سه‌رێ سالێ ڤه نابینی؟!
بیریا چ ؟
ما دێمێ قورمچی یێ ده‌می چجاران نه‌كه‌فتیه به‌رچاڤێن ته، پشت یا ل میلێن ده‌مژمێرێ خوویل بووی، چه‌ند ل پشت خوه د زڤریت نه‌فره‌تان ل وان چركه‌یان دكه‌ت یێن ژ مالبچیكا كاروانێ وان ده‌ركه‌فتین.
بیریا چ دكه‌ی؟!
دبێژن ده‌مژمێرێ خیانه‌ت یا ل هه‌بوونا خوه كری ، هه‌می عه‌ردێ مه‌مله‌كه‌تا خوه ، ب دزی خۆله‌كێن خوه، ب دزی ره‌نجامیلێن خوه فرۆتیه ره‌شه‌كێن راوه‌ستانێ، ئێدی نه ده‌م ده‌مه ، نه بیری بیری نه، گاڤا دی ژی گوره‌كێ ب كۆم یێ بیرهاتنان ل قۆلاچێن چركه‌یه‌كێ هاته ڤه دیتن، هشیاری بێریێن خوه به، وان ل به‌ره ب گه‌هن رێزێن كوویره برینان و سروودا هه‌لكۆلانا كه‌ڤناریێ ژ به‌ر بكه‌ن.
