دێ وه‌ر
جه‌مال قاسم
من وێنێ ته دیت
یێ خه‌مگێن
بێزاری یا ته ژمننه
یان ژڤێ ژیانێ
ب هه‌می پیرۆزیا
یێ خه‌ریبم ژته
*
ئاخ
بۆ چاڤێن ته
یێن پڕی رۆندك
ئاخ
بۆ دێمێ ته
یێ خر و نازك
ئاخ
بۆ خه‌ربییا ئه‌ڤرۆ
ژ نازكیا په‌یڤێن دوهی
ئاخ
ژ توره‌بوونا ته
مراد و خوه‌زیێن نه ژبیر
*
چه‌ند ده‌م بچن
پێتر بێریا دكه‌م
نوكه پێتر ژ پار
حه‌ز ژ ته دكه‌م
پشتی هه‌ر نڤێژه‌كێ
دوعا دیتنا ته دكه‌م
وه‌ره ژ هه‌ر جار زویتر
*
دێ وه‌ره
نه‌كه رۆژه‌كێ
بچاڤێن رۆندك
و دێمێ دامای
ب بینم ته
ونه‌شێم چ بكه‌م
ژ رۆندكا زێده تر
*
كێ گۆتی یه دێ ته‌هێلم
هه‌ر رۆژ سوچده‌كێ
بو دیتنا ته دبه‌م
كێ گۆتی یه ئه‌ڤینا ته
ل نیڤا رێ دێ هێلم
خوه‌زیێن رۆژێن دی تر
*
ژ شیماتیێن ته
ژ رۆندكێن ته
ژ فێلبازیێن ته
یێ خه‌ریبم
یێ دو دلم
ترسم ژ وه‌غه‌را ته
ب كه‌رب و ركێن ته
لاواز دبم پێتر
*
ژ چاڤه‌رێ بوونێ وه‌ستیام
ب تنێ بوونێ ماندی بووم
ژ چاڤێ ته یێ ره‌ش
یێ خه‌ریب بوویم
نینه ژ ڤێ ب ژان تر
*
نه شه‌ڤه‌كێ دبێژی
شه‌ڤا ته خوه‌ش
نه رۆژه‌كێ دبێژی
رۆژا ته باش
هیڤی هه‌می
مانه شاش
تو ژی
نه سلی نه ئاش
برین بووینه شینوار
ژیان نینه ئالۆز تر.
