دێ بنە جیلەكێ بێ بەرهەم و بێ بەر
حەجی ئەحمەد بێركیاتی
ئەزێ دبینم خەڵك كۆمەڵ كۆمەڵ، یێن خوە دكێشن بن سیبەرا شاپەرێن ڕەشبینیێ، بێهنا گیانێ خوە ڤەدەن، گەنگەشێ دكەن، سەرا تشتێ بەرنەكەڤتی قەڕقەشێ دكەن، ئەو نزانن كو مێشك ژی بەشەكە ژ گیانی یان ژبیردكەن، هندەك یێن خوە دكێشن بەرسینگی ئێك و دو و هندەك یێن دەنگێ خوە بلند دكەن.ئەزێ دبینم خەڵك كۆمەڵ كۆمەڵ، یێن خوە دكێشن بن سیبەرا شاپەرێن ڕەشبینیێ، بێهنا گیانێ خوە ڤەدەن، گەنگەشێ دكەن، سەرا تشتێ بەرنەكەڤتی قەڕقەشێ دكەن، ئەو نزانن كو مێشك ژی بەشەكە ژ گیانی یان ژبیردكەن، هندەك یێن خوە دكێشن بەرسینگی ئێك و دو و هندەك یێن دەنگێ خوە بلند دكەن.یا گرنگ سەرێ بابەتی بهێتە گۆتن، دەڤ دێ بەش بن، لێڤ دێ ئێك و دو بەردەن و گرن، ئەزمان دێ لڤ لڤن، هەمی دێ ل بن ئەمرێ مێشكی دەركەڤن،جار دبن نۆژدار جار ئەندازیار، جار ژی جار ژی پارێزەرو سیاسەتمەدار، هەما هەمی تشت ئەون.ڕەشبینیێ بەدەنێ وان هەمی یێ داگیركری، بۆ دوژمنان دلەیزن و بۆ وەلاتی دكەنە گری ، ئەڤە نەخوەشی یە جفات هەمی یا پڕت پڕت كری، ئەز نابیژم خەبات و ئیزا باب و باپیران یا ژبیركری، مێشكێ وان یا وەرگرتی بەس دلێ وان یا ڕەتكری، ژبەركۆ وان نەدیتییە ڕەمیێن بەفرێ سڕ و سەرما زكێ برسی دەر ب دەری.هەروەكی مەزن دبێژن ( سفرا حازر یێن هاتینە سەر)بچوویكترین داخوازی بۆ وان ئێكە ژ داخوازیێن فەر، هەر تشتەكێ وان ڤیایی بۆ وان یا ژبن ئەردی هاتییە دەر، هەر خەلەتییەكا وان كری بۆ خوە یا كرییە قەزاو قەدەر، بۆ كارێن بچووێك هزار ئێشێن ل خوە ئیناینەدەر، یا گرنگ ب ڤی ڕەنگی دێ بینە جیلەكێ بێ بەرهەم و بێ بەر.
