رەمەزان
رێژین حكمەت
پێنووسێ من پەیڤ ژ خوە داقوتان
شەرم ژ ڤێ هەیڤێ كر
دڤێت ب شعرەكێ
ب خێرهاتنێ بۆ بكەت
تو ب خێرهاتی
بۆكا سالێ
خوین شرینێ
هەیڤا خێران
بەرەكەتا فەقیر و هەژاران..
ڤێ شعرێ بەنكێ گونەهان قەتاند
منارێن مزگەفتان بانگ ڕاهێلان
مەلا و دەروێشان
تەرایح گرێدان
گونەه وەراندن
دروشمێ لێبۆرین
كەلامێ قورئانا پیرۆز بلند كرن..
خودا ئەم بۆ تە ب ڕۆژینە
دلێن مە چاك بكە
عەیبێن مە نەهێلە
ڤێ هەیڤێ ژ مە نەبۆرینە
ئەگەر ڕازی نەبووی
ژ دوعا و نڤێژ و ڕۆژیێن مە..
پێنووسێ من قورئان كرە نشتیمان
بۆ مرۆڤێن ل جیهانێ
نەفسا مە دشۆت ژ گونەهێ
ئارام دكەت یێن مژیلی دونیایێ
ماندی بووی ب مالیەتێ.
