ژ من نەترسە
شرین دۆسكی
ئەز پەلاتینكەكا بێ
ڕەنگم..
كوترەكا بێ
چەنگم..
ئەز ڕێڤینگەكا بێ
وارم
عەورەكێ بێ
بارانم
و دلەكێ گەلەك
ژارم
ژمن نەترسە..
ئەز یا هاتیمە دەف تە
شكەستی و پرت پرتم
بەرزە و دامای و بێ وارم
ژمن نەترسە
ترسا خۆ ژمن، بكە ئارامی بۆ من..
و ب گیانێ من یێ وەریای وەربكە!
وەرە من هەمبێز بكە
و من بگڤێشە بەر سنگێ خوە
ب دلۆڤانی..
من ببە ب قەهرەمانی
و من بەرزە بكە
دجیهانا خوە دا
من بەرزە بكە
دناڤ هەستێن خوەدا
وەرە ..
وبێی دو دلی
بۆ من ببە بابەك یێ دلۆڤان..
ببە ژیانەكا پر ژ
خوەشی
ببە خوەشییەكا بێ
دوماهی..
