فازل میرانی پێشوازیێ ل قونسۆلێ توركیا ل هەرێمێ دكەت
بەرپرسێ دەستەیا كارگیریا مەكتەبا سیاسی یا پارتی، فازل میرانی، پێشوازی ل (مەمەد مەولود یاكوت) قونسۆلێ گشتیێ توركیا ل هەرێما كوردستانێ و شاندێ دگەلدا كر. د دیدارەكێدا فازل میرانی پیرۆزباهی ل رەجەب تەیب ئردۆگان كر ب هەلكەفتا هەلبژارتنا وی وەكو سەرۆكێ كۆمارێ توركیا و پیرۆزباهی ئاراستەی گەلێ توركیا كر. قونسۆلێ گشتیێ توركیا هیڤی خواست بشێت پەیوەندیێن وەلاتێ خوە ل گەل هەرێمێ پێشڤەببەت ب تایبەتی د وان بوارێن بۆ هەردو ئالیان دگرنگ. دووماهی پێشهاتێن هەرێما كوردستانێ و ئیراقێ ودەڤەرێ ب گشتی و بڕیارا ڤێ دووماهیێ یا دادگەها فیدرالی یا ئیراقی و پرۆسەیا هەلبژارتنێن پەرلەمانێ كوردستانێ و چەند پرسێن دی، تەوەرەكێ دی یێ دیدارێ بوون.
