كلیلا “دەرگەهێ مژێ“*
خالد عەلی سلێڤانەیی
مژ بێ دەرگەهە، لێ من تو تێگەهاندی كو ب درەگەهە و ئەو دەرگەه داخستیە؛ دا تو دناڤ پەرتووكێ دا ب لێگەریانا كلیلا وێ ڤە مژویل ببی هەتا مژ ڤەڕەڤت، من تو نە خاپاندی، بەلكو من تو پاراستی، ژبەركو مژێ رێك ل بەر تە بەرزە كر بوو و تو دا ژ سەرێ چیایەكی كەڤی.
ئەو خوهدانا ب ئەنیا تە ڤە
نەبت “عانە”ك؛
پێدڤیا دابین نەكت
بۆچی درێژی؟!
::
ئارێ ژ گەنمێ وەك زێری
هاتی هێران؛
زكەكی برسی تێر نە كت
بۆ كێ دپێژی؟
::
ئەو كانیكا ل بهارێ
ئاڤێ نەدت،
ل بەندێ نەمینە بدت
گەر بت “زێ“ ژی.
::
كورتوكرمانج زەلال نە كت
مژەویێ،
بێ مفایە زەلالبوونا
ب درێژی!
::
ئەڤ هەلبەستا تە پێنووسۆ،
نەبت وانە؛
ئاسۆیێن هزرا ڤەنەكت
بۆ كێ دبێژی؟!
* ناڤونیشانێن دیوانەكا هەلبەستێن نڤیسەرییە، ل سالا (2010)، هاتیە وەشاندن.
