بابەتۆك

گوهدار ئیسماعیل

– ئێك هند كویر چوو دناڤ بابەتەكی دا، حەتا گەهشتیە بیرەكا بێ بن.
– ئێكی بابەتەك هەلبژارت حەتا دەمێ هەلبژارتنا دا بهەژمێریت.
– ئێكی بابەتەك نڤیساند، بەرپەر ب دویڤ بەرپەری ڤە نویساند، حەتا بچیكا خوە ل سەر حولیساند.
– ئێك ما ب بابەتەكیڤە، هندی هاتێ ژێڤەنەبوو.
– ئێكی بابەتەك خاند، پاشی چاڤێن خوە خوراند.
– ئێك چوو دناڤ بابەتەكی دا نەزانی دێ چاوا زڤریتەڤە.
– ئێكی خو ل بابەتەكی كرە خودان، نەزانی دێ چاوا ل سەر ناڤێ خوە تاپۆ كەت.
– ئێك ل دور بابەتەكی زڤری، حەتا گێژ بووی و ب ئاخێ كەفتی.
– ئێكی بابەتەك هند درێژ كر، فیت نەدگەهشتێ.
– ئێكی چو ژ بابەتەكی چێنەكر، بۆ خودانی زڤراندەڤە.
– ئێكی بابەتەك شلۆڤەكر، هلهەوری.
– ئێكی بابەتەك هند تێكڤەدا حەتا بێهن ژێهاتی.
– ئێكی بابەتەك وەرگێرا، ما دبن ڤە.
– ئێكی بابەتەكێ گران ژێ گرت، ب قەپانێ كێشا.
– بابەتەك ل بەر ئێكی ما ئاسێ، رابوو دا بەر داسێ.
– ئێك ب بابەتەكیڤە چوو، لێ هەلنگفت.
– ئێك ل سەر بابەتەكی راوەستیا حەتا پێن وی شل بووین.
– ئێكی هند رێك برنە بابەتەكی، حەتا تێدا غەوارە بوی.

کۆمێنتا تە