چاڤی دێ حەفت یاریزانێن بەرشەلۆنا دوورئێخیت
ل سەر داخوازا راهێنەرێ تیما خوە یا تەپا پێی چاڤی هێرناندێز، بەرپرسێن یانەیا بەرشەلۆنا یا ئسپانی دەست ب پێرابوونان كرینە ژبۆ دوورئێخستن و ب دووماهی ئینانا گرێبەستا حەفت یاریزانێن تیمێ ب ئێكجاری بەری دەستپێكرنا وەرزێ نوو یێ خولێ.
رۆژنامەیا سپۆرت یا كەتالۆنی دیار كر كارگێرییا یانەیێ سێ یاریزان ئاگەهداركرن كو ئەو دگەل شاندێ تیمێ نابن ئەوێن دێ بەر ب كەمپەكێ راهێنانێ ل وەلاتێ ئێگكرتیێن ئەمریكا دانیت و چار یاریزانێن دی ژی كۆ گەنجن دێ پشتی كەمپێ راهێنانێ هێنە دووركرن و دبیت بفرۆشنە یانەیێن دی یێن ئسپانی ژ وانا ئەلێكس كۆبادۆ بۆ ریال پیتس و فرانك كێسی بۆ یۆڤانتۆس یان یانەكا سعۆدیێ.
هەروەسان دیار كر ئەو یاریزانێن چاڤی هێرناندز داخواز كرین گرێبەستێن وان بهێنە هەلوەشاندن ئەوژی سێرجینۆ دێست، یێ ب شێوەیی قەر چوویە ئۆساسۆنا عەبدولسەمەد زەلزۆلی، ئیریك گاریسیا و نیكۆ گۆنزالێس، د بەرانبەر دا یانەیا بەرشەلۆنا دێ یاریزانێ هێلا بەرەڤانیێ یێ تۆتنهاما ئنگلتەرایێ یێ فرەنسی كلیمێنت لینگلێت ئینیتە دناڤ رێزێن تیما خوە دا
