ئەز نە ئەزم
سەگڤان ئەحمەد/ زاخۆ
مێشكێ من
گەلەك هزر د ڕستن
لێ بۆچوونێن من
هەمی دەما نە دڕوستن
ئەزمانێ من
گەلەك پەیڤ د گۆتن
كەسێ گوه نەدایێ
نائێن بهیستن
هەر پێنج بڕبڕێن
ب هێزێن پشتا من
نە ئێكگرتینە
ئاخ چبكم ئەڤرۆ؟
ئەو خاڤ وسستن
چاڤێن من
بۆ دیتنا ڕەشی
گەلەك ب هێزن
تەڤ ڕەنگێن دی
ژ چاڤێن من زیزن
ڕێكا هەناسا من یا گرتییە
یێ بێهن تەنگم
جار زەر دبم
جار كەسك دبم
جار شین دبم
جار ڕەش دبم
جار بێ ڕەنگم
تكتكێن ئەڤی دلێ من
نە ئێك ئاوازن
جار بلندن وجارا نزمن
هەر چار پارچێن دلی
هەر ئێك بۆ خوە
ئاوازەكێ دژەنت
تاوانا ب دویڤ
یێ دی دڤەنت
جەگەرا من
یا پرە ژ ڤایروسا
لەوما خوینا من
جار تەحلە وجارا مڕە
ئەڤە ئەزم
بەرەڤ ئارمانجا
نەشێم بەزم
گولچیسكێن من
كارێ خوە ناكن
خوینا بژین
ژ یا پیس جودا ناكن
دەستێن من هێز تێدا نەمایە
هەر گاڤا دەستەك من
بكت لڤینا
دەستێ دی ئێكسەر
لێ دكت نفرینا
ئەڤە ئەزم
بەرەڤ ئارمانجا
نەشێم بەزم
جار نەخوەشم
وجار مەلامە
وجارا گێژم
ئەز نە ئەزم
نەفسانەیەكا سەیرم
هەردەم جەلادێ دەستێ خوەمە.
