هزرێن من

شرین دوسكی

‎وەكو جاران ئەز و هزر
‎یێن دلەیزین..و
‎خوە ژ راستیێ ڤەدزین
‎ هێدی هێدی یا بەرزە دبم
‎جار دگەل وان چاڤێن هێنگڤینی
‎یا بێ هوش دبم….
‎جار ژی دگەل وێ بەژنا بلند
‎دكەڤم سەمایێ..
‎هزر .. یێن من درەڤینن
‎ ودبەنە ژڤانێ هەردەم بۆ من خەون..
‎دەمێ دەستێن من و تە تێكدا..
‎ سەرێ من ل سەر ملێ تەیێ مینا چیا..
‎وی ژڤانێ!
‎دارو وبەر وبالندە
‎هەموو كۆلان و جادە
‎ژبۆی ئەڤینا مە سترانا ببێژن..
‎وبكەن سەما..
‎دگەل مە بفرن
‎ژ گەرمیا ئەڤینێ
‎وپێكڤە بكەین شاهییا عەشق
‎و ئەڤینێ.

کۆمێنتا تە