ھەبوو نەبوو
زوھێر کورەمارکی
من دلبەرەکا نازو جوان ھەبوو
رێزان و خانەدان بوو
جوانیا وێ گول دباراندن
ھیڤیا خوە ب بەژنا وێڤە دشداندن
باپیرێ من دارا خازگینیا وێ دھەژاند
من ب خۆزیا کەزیێن وێ د ڤەھاندن
ئەو ئەڤینا دلێ من بوو
روناھیا چاڤێن من بوو
ھەبوون و نەبوونا من بوو
دزو گەندلا ئەوژی ژمن ستاند
چویکا ویتانی بوون ل سەر دێمی خاند
رەنگێ نێرگزو چیایا ژ دێمی بر
خەون و ھیڤی دسینگێ وێدا
کرنە گۆری و ئاگر و شەوتاند
ب خەمل و خێزو جوانیا وێڤە
ب کراس و کورتەکێن ویڤە
ب دارا سێدارێڤە لەقاند
ئەز ھێلامە دناڤ برین و خەمێن وێدا
ئەرێ د خەمێن وێدا ؟
