نە گڕنژە
خورشید توفیق باكۆزی
نەگرنژە نە
ئەوێ تو دبینی
ئەو نە ژ بنكەفشێن چیا بویە و
نەژی ژدوندەها رۆژێ یە
بەدەنێ وی كین و كەربە و
دلێ وی گەمیا كەربێ یە
ئەو نە تە ژ ئارۆنكێن گریێ
هاویش دكەت ..
نە لاندكا تە ژ ئاگر و شەواتێ
رزگاردكەت..
ئەولویلیا تو دهەلمژی
ئەو بكۆژا بابێ تەیە
نە هەلمژە ..
نە گڕنژە ..
دژێر شاپەرێن كەلا هەدا
قولیزێنە و
قیرێن و دەنگ و هەوارە
خودێ دزانیت
كانێ دایكاتە یا ڕەبەن چ نیهاڕە
كەلا گریێ دسینگێ وێ دا چەندا هاڕە
كانێ دایكا تە ل كیڤەیە ..
ئەوێ لهنداڤی سەرێ تە
تڕ و ستێران
مل و باسكێن وی شوڕكرین
دسینگێ وی دا
ئەڤە ژمێژە وژدان تەرمە و
وژدانا دسینگی دا مری ..
لەورا ئەنیا تە یا بەفرین
دێمێ تەیێ مینا دێمێ
فریشتەكا ناز و شرین
كرە ئارمانجا ئاگری و
جانێ تە بەرز و بلند بوو
چاڤێن تەژی مانە ل ستێرا
وی خوینرێژێ بێ وژدان ژی
ب گرنژین ڤە هەرئەڤ
چیرۆكا دل خەمگین
بۆ سۆلتانێ خو ڤەدگێڕا ..
بۆ سۆلتانێ خو ڤەدگێڕا ..
