ئێكەم دیتن
دلۆڤان هالۆ / زاخۆ
ل ئێكەم دیتن
بڕویسی یێن
هەردو چاڤێن وێ
دلێ من
كرە دو شەق
ئەز كرمە عاشقەكێ
شێت و شەیدا
و پڕی حەز و مەرەق
من هزر كر
دێ خەم و ژانێن من
ڤەڕەڤینیت
و هەمیان بۆ من
كەتە خۆشی و زەوق
لەو من بۆ وێ
خۆ كرە عەسمان
و ئەو ژی كرە
هەیڤا گەش
و پڕ شەوق
من هزر كر ئەو یا هاتی
دلێ من ب كۆلیت
و بۆ عەشقا خۆ
بكەتە خەندەق
لێ من نە دزانی
ئەو یا هاتی دلێ من
بۆ چەند ڕۆژان بتنێ
بكەتە فندەق
ب دەستێن خۆ
ژ دارا عەشقا مە شكاندن
هەمی چەق
شینوارێن خیانەتا وێ
ل سەر لەشێ من
هەمی یێن بووینە
برین و دەق
ل دوماهیێ ژی
ئەز ب هەمی تشتان
تاوانبار كرم
و خۆ دانا
یا بێ گوننەهـ و حەق.
