نامەیەكا تیپێن وێ ئاوارەبووین بۆ (خالد عەلی) یێ شاعر خودانێ «پشیكێن ئاشی»
دلدار محەمەد
پشكێن چ ؟! ئاشێ چ ، ئێدی هەر ئێك ژ مە خەم وی د هێرن و د خون، ژ مالبچیكی هەتا بێ مالیا دونیایێ خەم دوستێن مەنە، ما ئەم دێ ل كیرێ چاڤێن پشیكان یێن برسقی بینین، ئەم دێ ل بەر كیژ خودیكێ خۆ ڤە بینن، دلێن مە ژ هێرانێ زێدەتر چ چارە نڤیسی نینن، هەمی دەردورێن مە ب درەوێ د پەرچان كرینە، خەمێ نەخۆ میێن سەرا یێن سپی ژی یێن هاتینە بەرتیلكرن، ئێدی ئەو ژی ب تیقە تیقێ نهێنیا پر درەوا رەشنیا خۆ ئاشكرا ناكەن، ل چاڤەرێیی هەیڤێ نەبە ژ ئێك شەڤیا خۆ داكەڤیت، من گوهلێ بوویە ئەو و عەسمان یێن ژێك سل بوین وێ لبەرە داكەڤیتە عەردی لبەر پیێن چەند زاروكێن بابێ وان دەستكورت ببیتە تەپەكا پاتەیی، هند زێدەتر چاڤەرێیی ڤەگەرا خۆ نەكە، دەمژمێرێ ژڤانێ هاتنێ یێن هەلوەشاندین، ئەز ب دەستێن تەیێن بڕی د حەسم، پا دێ دو دەستان ژ كیڤە ئینی ب سەرێ خۆ ڤەنی، خەمێن خۆ ڤەخۆ و پشتراستبە تو قەد لڤێ بیابانا ناڤێ وێ ژیان ژ تێهنا ناخەندقی.
