هەودانا جهێ دەستئاڤێ و سێكس، پێزانین و شیرەت
بەرپەرێ ساخلەمیێ:
هەودانا میزەروویێ و سێكس ژ تشتێن نەخۆشن دناڤبەرا هەڤژینان دا، هەموو كەس هەتا زارۆ ژی تووشی هەودانێن میزەروویێ دبن، بەلێ ژن پتر تووش دبنێ، لەورا بابەتی گرێدان ب ئەنجامدانا سێكسی ڤە ژی هەیە.
هەودانێن میزەروویێ دناڤبەرا ژن و زەلامان دا
ژن ب دەه جاران پتر زەلامان تووشی هەودانێن میزەروویێ دبن، ئانكو دبیت ژ هەر پێنج ژنان ئێكێ ئەڤ هودانە هەبن، هێشتا ئەگەرێن وێ ددیارنینن بەلێ ڤەكولەر و شارەزا ئەگەرێن وێ بو پێكهاتا لەشێ ژنێ ڤەدگەرینن، ئانكو چوونا میكروبان بو ناڤ لەشێ ژنێ د رێیا میزەروویێ دا پترە و زووتر تووش دبن، بەلێ ژبەركو جوبارێن میزێ یێن زەلامان تەنكترن لەورا كێمتر تووش دبنێ.
دەمێ كەسەك تووشی هەودانێن میزەرۆیێ دبیت ئەڤ نیشانە دێ ل دەڤ دیاربن:
• هەست ب نەئارامیێ.
• ئالوزی و ئێشان ل دەمێ ئەنجامدانا سێكسی.
• ئێشان و فرك ل بنێ زكی.
• هەستكرن كو هەردەم پێدڤی ب چوونا دەستئاڤێ یە.
هەڤبەندیا هەودانێن میزەرۆیێ ب كریارا سێكسی ڤە:
ئەنجامدانا سێكسی ئێك ژ ئەگەر و فاكتەرێن ب مەترسی یێن تووشبوونێ ب هەودانا میزەرۆیێ و ب تایبەت ل دەڤ ژنان، چونكو كریارا سێكسی هاریكارە بو چوونا ژوورا میكربان بو جوبارێن وێ یێن دەستئاڤێ.
ددەمێ ئەنجامدانا سێكسی دا، ئەندامێ نێرینە یێ زەلامی پەیوەندیەكا راستەوخو ب میكوبانڤە هەیە و رێكێ ڤەدكەت بو ڤەگوهاستنا وان بو ژنێ و دبیتە ئەگەرێ هەودانان.
دەمێ ژن بو جارا ئێكێ سێكسی ئەنجام ددەت، پتر یا بەرهەڤە تووشی هەودانان ببیت و چەند ئەنجامدانا سێكسی پتربیت هەودان ژی پتر پەیدادبن، لەورا هندەك دبێژنە ڤان جورە هەودانان، هەودانێن هەیڤا هنگڤینی كو ب تایبەت ل لەشێ ژنێ پەیدادبن.
دێ چ كەی دا ژ هەودانێن میزەرۆیێ بهێیە پاراستن؟
ژبەركو ئەڤ جورە هەودانە ب كریارا سێكسی ڤە دگرێداینە، رامان ژێ ئەو نینە كو خوە ب ئێكجار ژ سێكسی دوور بكەن، بەلێ هندەك رێك و شیرەت هەنە هاریكارن بو كێمكرنا ڤێ ئاریشێ كو پێك دهێن:
• راستەوخو پشتی ئەنجامدانا سێكسی، دەستئاڤا خوە خوش بكە.
• بەری ئەنجامدانا سێكسی پێدڤیە ژن و زەلام باش خوە پاقژ بكەن.
• گەلەك ئاڤێ و شلەمەنیان ڤەخوو كو هاریكارن بو قورتالبوونێ ژ بەكتریا.
• ب كارئینانا رێگرێن زارۆبوونێ رێژا تووشبوونا هەودانان زێدەناكەن.
• پێدڤیە زەلام ئەندامێنخوە یێن زاوزێ باش بشووت بەری و پشتی ئەنجامدانا سێكسی.
• ب كارئینانا كۆندومان دێ هاریكاریا زەلامی كەت بو پاراستنا وی ژ هەودانان.
پێدڤیە ژبیرنەكەین كو ئەڤ هەودانە ژ وان نەخۆشیێن ب رێیا سێكسی ڤەدگوهاستن نینن، بەلێ دەمێ نیشان دیاربوون، شیرەتان ل تە دكەین سەرەدانا نوشدارەكی بكە بو وەرگرتنا چارەسەریا پێدڤی.
