شەش پشكێن لەشێ تە نابیت دەستێن خوە بكەیێ
دەست ئەو پشكێن لەشینە كو زۆرترین میكرۆب و بەكتریا ل سەرن و ڤەدگۆهێزن بۆ كەسێن دیتر، رەنگە كاریگەریا وان ل سەر ساخلەمیا تە و ئەوێن دیتر ژی هەبیت، بۆ پاراستنا ساخلەمیا خوە هندەك جهێن لەشی هەنە نابیت دەستێن خوە بكەیێ.
ل دووڤ راپۆرتەكا ساخلەمیێ كو ل گۆڤارا TheHealthy بەلافكریە، شەش پشكێن لەشی هەنە نابیت دەستێن خوە بكەیێ، ب ڤی جۆری:
١- دێم: ل دووڤ گۆتنێن زانایەكێ زیندەزانی ماتیۆ لی،” دەستان چەند چەوری تێدانە ئەگەر بكەنە دێمێ خو پرسكان دروست دكەن، لەورا باشترە ل دەستلێدانێ ل دێمی دووربكەڤی.
٢- چاڤ: دەستلێدانا وان وەدكەت میكرۆب و بەكتریا بچنە ناڤ چاڤێن تە، ئەو ئەندامێن گەلەك هەستیارن، چوونە ناڤا تۆز و ئاخێ دبیتە ئەگەر هەستیاری تووشی قەڕەنیا چاڤێ تە بكەت.
٣- گوهـ: پشكا ناڤ گوهی یا نازكە و زوو تووشی زیانێ دبیت، ل دەمێ هەولدان بۆ پاقژكرنا گوهی زیانێ پێدگەهینیت.
٤- دفن: بەكتریایێن ساخلەم یێن تایبەت تێدانە، بەلێ دەمێ تلێن خوە دكەیە دناڤدا، رەنگە چەندین جۆرێن بەكتریا بۆ ب ڤەگۆهێزی و ببنە ئەگەر تووشی چەندین نەخۆشیان ببیت.
٥- نافك: نافكێ رێژەكا زۆر یا بەكتریا ل سەر دژیت و نەشێی پاقژ بكەی هەتا ل دەمێ خۆشووشتنێدا ژی.
٦- نینۆك: ل ژێر نینۆكێن پێی و دەستێن تە رێژەكا زۆر پیسی و بەكتریا دژین، هەتا شووشتنا وان ب دەستان ئەو بەكتریا ب تەمامی ژناڤ ناچن، لەورا نۆشدار و پەرستار دەستكێشێن پزیشكی دكەنە دەستێن خوە.
