گرنگترین ڤیتامین بۆ بهێزكرنا پرچێ
ژمارەیەكا ڤیتامینان رۆلێ سەرەكی دگێڕن ل ساخلەمی و زیندووییا پرچێدا، د دەمەكیدا گەلەك كەس هەولا پاراستنا پرچێ خۆ ددەن ب شێوازێن جۆراوجۆر، رەنگە ئەگەرێ سەرەكیێ ئەڤێ ئاریشێ كێمیا خوارنێ بیت.
ماڵپەڕێ “ التوبی “ د بابەتەكیدا باس ل گرنگترین ڤیتامینان كریە بۆ ب هێزبوونا پرچێ، كۆ پێكهاتینە ژ:
ڤیتامین A ، ئەڤ ڤیتامینە ب پێدڤی دهێتە دانان بۆ گەشەیا پرچێ، ئەڤە ژبلی وێ چەندێ رۆل هەیە ل شهداركرنا پیستێ سەری و پاراستنا پرچێ ساخلەم، كێمیا ئەڤی ڤیتامین دبیتە ئەگەرێ وەریانا پرچێ.
ڤیتامین E ، پشكدارە ل زێدەكرنا گەشەیا پرچێ، زڤرینا خوینێ د سەری دا باشتر دكەت، شهداریا پرچێ زێدە دكەت و هاریكاریا زێدەكرنا تەیسینا پرچێ دكەت، تو دشێی د خوارنێن گەنمی دا ب دەستڤەبینی.
ڤیتامین C ، رۆلەكێ بنەرەتی و گرنگ هەیە ل پاراستنا ساخلەمیا پرچێ دا، تایبەتمەندیا دژە ئۆكسانان هەیە كو وەریانا پرچێ كێمدكەت، ئەڤە ژبلی كو پشكداریێ دكەت ل بەرهەمئینانا كۆلاجین و كیراتینی كو هەردو دگرنگن بۆ پاراستنا پێكهاتێن پرچێ.
ڤیتامین B3 ، رۆل هەیە د هاندانا زڤرینا خوینێ د پیستێ سەری دا، كو پرچێ زێدەتر پڕ دكەت.
ڤیتامین B7، دروستبوونا خرۆكێن سۆر یێن خوینێ زێدەتر دكەت، كو ئۆكسجین و ماددەیێن خۆراكی ڤەدگوهێزن بۆ پیستێ سەری و موویێن پرچێ، ئەڤەژی وەریانا پرچێ كێمدكەت.
