گەلەك جاران قوتابی قەستا مە دكەن دبێژن ئەم دناڤ هۆلا خواندنێ دا دترسین
تایبەتمەندەكێ نەخۆشێن دەروونی ل دهۆكێ دیاركر ئێك ژ نەخۆشێن دودلی دناڤ خەلكی دا بەلاڤ بیت ئەوژی نەخۆشیا ئەگورافۆبیایە ئەڤ نەخۆشی یە جۆرەكە ژ جۆرێن نەخۆشیا دودلیێ ئێك ژ جۆرێن فوبیا یە و گەلەك جۆرێن فوبیایێ هەنە، بەلێ یێ زێدە بەربەلاڤ ئەڤ نەخۆشیەیە.
د. پەرجان هاشم ئاكرەیی، تایبەتمەندێ نەخۆشیێن دەروونی ل دهۆكێ ئاشكرا كركو ئەگورافوبیا ئەوە ئەو مروڤ بترسیت بچیتە جهێن گرتی ڤە دەما مرۆڤ دژوورەكێ دا بیت یان جهەكێ گرتی دا ترس بۆ مرۆڤی دروست دبیت ئەڤە ل گەلەك جهان پەیدادبیت، دەمێ مرۆڤ دناڤ ترۆمبێلێ دا یان دناڤ فرۆكەكێ دا یان پاسەكێ دا هەتا ژی دناڤ تونێلی دا یان هەر جهەكێ گرتی بیت، مرۆڤ تووشی ترسێ ببیت ئەڤ دودلی یە پەیدادبیت.
تایبەتمەندێ نەخۆشێن دەروونی، گۆت: گەلەك جاران قوتابی قەستا مە دكەن و داخوازا چارەسەریێ دكەن دبێژن ئەم دناڤ هولا خواندنێ دا دترسین كو هولا خواندنێ یا گرتیە وقوتابی نەشێت بۆ دەمێ دەمژمێرەكێ یان 40 دەقیقا دەربكەڤیت، ژبەر ڤێ چەندێ ئەڤ ترسە بۆ قوتابی دروست دبیت و هندەك كەسێن دی هەنە تووشی ڤی جۆرێ ترسێ دبن ل جهێن ڤەكری، بەلێ قەرەبالغ تێدا هەبیت، دبێژن ئەز نەشێم بچمە بازاری، چونكو قەرەبالغە و بازار یێ ڤەكریە دێ بینی ئەڤ مرۆڤە دەمێ دچنە ڤان جهان تووشی ترسەكا مەزن بن.
ناڤهاتی ئەوژی خۆیا كركو ئەگەرێن ڤێ نەخۆشیێ ڤەدگەرن بۆ دو تشتێن سەرەكی، ئەوژی هەكە دناڤ خێزانێ دا دایبابان هەبیت یان داپیر و باپیری، لەورا دبیت مرۆڤ ژی تووشی ڤێ نەخۆشی بیت هەروەسا ژی ئەگەری دویێ ژی دەمێ زارۆكینی مرۆڤێ تووشی هندەك تشتێن ترس بیت ئەڤ كەسێن ئەڤ نەخۆشیا هەی ژیانا وان نەخۆش بیت چونكو نەشین زوو ب زوو دەركەڤن هەتا ژی نەشێن بتنی دەركەڤن هەلبەت دەمێ ترس بۆ دروست بیت مەرچ نینە بتنی ترس بیت دبیت هندەك نیشانیێن جەستی ل دەڤ پەێدابن وەكو دلقوتانی وبیهنتەكیی و دەڤ هشكبوون وسەرئیشانێ یان ژی وەكو گەرمەكێ لاشی دا وتەزتەزینك لێ دروست بن ئانكو رەوشا وێ گەلەك نەباش بیت لێ یا پتر خەلك ژی بەحس دكەن ئەوە دەمێ بهنا مرۆڤی تەنگ بیت ئەو كەس خۆ ژ ڤان جها دوور دكەت بۆ نموونە ئەو كەسێ نەخۆش هەكە ترۆمبێلی بیچت دبیت هەتا نیڤەكا رێكی بچت وبیژت بهنا من تەنگ بوو ژ ترۆمبێلی دەربكەڤیت.
د. پەرجان هاشم، ئاشكەرا كركو ئەگەر ئەڤ نەخۆشیا نەهێتە چارەسەركرن دێ هندەك نێشان دەڤ دروست بن وەكو خەموكیی وهندەك جاران كارتیكرنی ل كەسایەتیا وێ دكەت كو چارەسەریا ڤێ نەخۆشی ب دوو ریێا دهێتە كرن ئەوژی چارەسەری ب دەرمان دهێتە كرن ئەوژی دەرمانیێن قلقی بۆ شەش هەیڤان یان پتر هەروەسا ژی چارەسەریا دەروونێ دهێتە كرن ب ریێا روونشتنان.
