بالویلكێن جهێ دەستئاڤا ستویر ئەگـەر و چـارەسەری
د.زەینەب محمدصالح، تایبەتمەندا نشتەرگەریا گشتی دیارك ركو
ئەف ئێشە چێدبیت ژئەگەرێ ڤایروسەكی بناڤێ human papilloma virus (HPV) و ب رێكا سێكسی دهێتە ڤەگرتن، ئەڤ زنجیرا ڤایروسی جودایە ژ زنجیرا ڤایروسێ ئەوێ دبیتە ئەگەرێ بالیلكێن دەستی و جهێن دی یێن لەشی وەكی دەڤ و سەروچاڤان، ئەڤ ڤایروسە دەردكەڤیت وەك زێدە گوشتەك یێ گڕوڤر ب رەنگێ پیستی یان پیڤازی یان قەهوائیێ ڤەبووی ل دەوروبەرێن جهێن دەستئاڤا ستویر و لەشێ ژنێ ژناڤدا و سەرڤە.
دەربارەی نیشانێن ڤی ڤایروسی، د.زەینەب محمدصالح دیاركر كو ئێشان وخوراندن وهندەك جاران خوین ژێدهێت و گۆت: ئەگەرێن زێدەبوونا توشبوونێ ب ڤی جورێ ڤایروسی ڤەدگەرن بۆ تەمەن كێمتر ژ 30 سالی و كێمبوونا بەرگریا لەشی و كێشانا جگارا و ب رێكا جووتبوونا سێكسی، یان بو وان زاروكان ئەوێن پەیدادبن ژوان دایكان ئەوێن توشبووین ب ڤایروسی.
دەربارەی گرنگترین ئاڕیشێن ڤایروسی پەدادبن پێكهاتینە ژ زێدەبوونا پەنجەشێرێ ل جهێ دەستئاڤا ستویر ئو ستوویێ مالبچووكی(عنق الرحم) ئو پەنجەشێرا دەڤەرا جینی، ل دەمێ دوگیانبوونێ ئەڤ بالیلكە مەزن دبن ئو خوین ژێ دهێت ل دەمێ زاروكبوونێ، و پێدڤیە ئەو ژنێن تووشی ڤایرۆسی بووین پشكنینا خانێن ستوویێ مالبچووكی(pap smear)بكەن.
د.زەینەب محمدصالح دەربارەی چارەسەریێ دیاركر كو ب رێكا هندەك مادێن كیمیاوی كو د داننە ل سەر بالیلكا دا بسوژینن و كەوی بو سۆتنا بالیلكا و لێزەر و دیسا ب رێكا نشتەرگەریێ و جەمەدكرنێ(freezing) .
دەربارەی رێكێن خۆپاراستنێ ژی دیاركركو گرنگترین رێكا خۆپاراستنێ رێكا ڤاكسیندانێ یە.
