وەرە هێڤكێ
رەمەزان ئیسماعیل
وەرە هێڤكێ..
چ نازكە!
لێڤ تەنكە
سێڤ و هنار و دندكە
شرین و شۆخ و ڕندكە
دلێ ڕەبەن پڕ خوەش دكە
چ دەلالە!
خوەش هەڤالە
گول ونێرگز و هەلالە
ڕۆهنییا ئـاڤا زەلالە
ناڤتەنگ كێڤریشك وخەزالە
چ بهارە!
ڕوی هنارە
یا ب قەیتان وگوهارە
بـەژن بلند و چنـارە
ناڤێ وێ دیتن هـزارە
چ دلڤـینە!
خەمڕەڤـینـە
دەڤ شەكر و هنگڤینـە
سـەربلند و سـەرهلینە
بەرهمبەری ســتیا زینە
چ دلــبـەرە!
ڕەش ئەسـمەرە
شەمال و فند و فەنەرە
گولاڤ و مسك وعەنبەرە
سینگ گولستان و مەرمەرە
چەندا جوانە!
ئـەو پـــاوانـە
حەودەكا بگول وڕیحانە
خـۆشـتـڤـیا دلـێ لاوانـە
بۆ من هەبوون و ژیــانـە.
