هۆ سوارۆ
سەگڤان ئەحمەد/ زاخۆ
هۆ سوارۆ
ئەی هێمایێ بەرخوەدانێ
سەركێشێ كاروانێ مەزن
د بن سمێن هەسپێ تەدا
تەڤ نەیارێن ڤی مللەتی
دێ گەڤزن
هۆ ڕێبەرۆ
ئەو قۆناغا دویر و درێژ
یا تە بڕی
داكو كاروانی بگەهینی
سەیێن وانا بلا بڕەون
گوتنێن وان تەڤ درەون
كاروانێ مە ب ئارامی
دێ گەهیتن
ئەی سومبولێ ئازادیێ
هیڤێنێ دەولەتبوونێ
ئەڤرۆكە ژی
ل سەر دەستێ
سەرۆكێ مە دێ مەییتن
ڕۆژەكا نوی
ب ڕەونەق و گەش
ب شادیڤە دێ هەلیتن
هۆ سوارۆ
توی شاهێ تەڤ سوارا
ئەی درویشمێ كودینیێ
مزگین ل تە و تەڤ شەهیدا
دێ گەهین ئارمانجا دوماهیێ
ئەی سەركێشێ هەمی دەما
د گورێ خوەدا تەنا بنڤە
ئێدی تو قەت نەخوە خەما
ئەلندا گەش دێ دەركەڤت
دێ لمە بتن كەیف وسەما
هۆ سوارۆ
ئەی هەلگرێ ئالا كوردا
ژ پێشەوایی
ل ئەسمانێ كوردینێ
بۆ تەڤ كوردا تو چرایی.
