میلودیا بای

مستەفا مەلا سەلیم ئاكرەیی

شڤێدی میلودیا بای
ترسا سێافكا من دژەنی.. ئەستێر دڕژیان و
هەمی گەرۆك ل گەمیا خۆ سیار دكرن
هەلامەتێن لسەر جادا و ب دیوارانڤە
هەلاویستی..
ژخۆ گۆمان دكەفتن و دهەرفتن
لبەر هورمێنا عەوران
لبن بەلگێن دارا خۆ ڤەدشارتن
هندی بێژی ئەو دبرسینە..
تا سفرێن بالندا ژی ڤەدمالن
ئەڤ باژێرێ هۆ یێ خەمگین..
ئەز گەلەك یێ بێزار كریم
هندی دنێرم مرۆڤان تێدانا بینم
هەمی ب ماسك و دەمامكن..
دەما دكەنە كەنی ژەهرێ دڕێژن
دەرگەهێن مە ڕادهژیێن و
هەر دبێژی پەرتووكێن مە دبێ نڤێژن!!
هەر پەیڤەگا تو ژێ دخوینی.. وەك خودیكێ
ڤان مرۆڤان تێدا دبینی..
ئەڤ باژێرە باژێرەكێ شەپرزەیە و
شەرەم ژخۆكەرە .. لبەر ڕوناهیا
چرایەكێ.. فانوسەكێ
زارۆكێن خۆ دنڤینن.. ئاوازەكا ب ترس
دلۆریین .. نەكە دەنگێ وان
بچیت و بكەڤیتە بەر تیرێن بای
یان عەورەكێ گیرۆ و ڤەمایی..
سەقایێ بهارێ بەرەڤ ئالیەكێ دی ببەتن.

کۆمێنتا تە