فـرەهبوونا لـوولـەکێن شـیری ل دەف ژنان
د. زینب محمد صالح، تایبەتمەندا نشتەرگەریا گشتی دیارکر فرەهبوونا لولوکێن شیری حالەتەکە پەیدادبیت بەهرا پتر پشتی ژیێ 35 سالیێ ل دەف ژنان، د ڤی دەمی دا غودێن شیری دەسپێدکەن حەلدبن و کێم دبن و نامینن، ل جهێ وان دبنە خەلیێن دوهنی، دەمێ ئەف حالەتە پەیدادبیت، لولوکێن شیری ئەڤێن دبن حەلەمێ ڤە دەسپێدکەن کورت دبن و دهێنە کێشان بو ژۆرڤە و پاشی فرەهدبن و دیوارێ وان ستوور دبیت و شلەکا تیر دناڤدا کوم دبت، و گۆت: ئەف شلەیا تیر هێدی هێدی قەناتێن شیری دهێنەگرتن و دەمێ دهێنەگرتن ئێشان پەیدادبیت، رەنگە ل سینگەکی بیت یان هەردویان، پاش ئەف شلە دەردکەڤیت و ژن هەسپێدکەت جلکێن وێ تەردبن و ڤی شلەیی چەندین رەنگ هەنە، کەسکێ تاری یان سۆر یان ژی تام خوینە یان قەهوایی یە و هندەک جارا کریمی یە، پاش ئێشان دەسپێدکەت و دبنە گرێ و حەلەمە بخو هندەک جارا د وەرمیت و جاران سۆر و گەرم دبیت و هندەک جاران دبیتە خەراج و دپەقیت، پشتی ڤێچەندێ ژن دهێت و پرسیاردکەت ل دەف نۆشداری.
د.زینب محمد صالح دیارکر ژی ئەف حالەتە گەلەک کێم ل دەف زەلاما پەیدا دبیت، و نە ب تنێ ل دەف ژنێن شویکری دبیت کچ ژی بیت و ئەف چەندە ل دەف پەیدابیت و گوت: ژ ئەگەرێن کارتێکرنێ ل پەیدابوونا ڤی حالەتی دکەن، زێدە کێشانا جگارا و قەلەوی و گەلەک ڤەخارنا کافاینایە و ل دەف ژن و زەلامان نیشان وەک ئێکن، یان ئێشان یان گرێ یان شلەیی دبینن.
دەمێ ئەف ئێشانە بو دروستبوو، دەست ب پرسیارکرنێ دکەن بوچی ئەف ئێشانە بو چێدبیت، دێ چاوا جوداکەی دگەل نەخۆشیێن نەباش، پێدڤیە دەسپێکێ پشکنینا کلینیکی بو بکەی و پاش رەوانە بکەیە سونەرێ، چونکو سونەر دیاردکەت کا فرەهبوونا لولەکێن شیری چەندە، هندەک جاران ئەگەر تە گرێ هەبیت، تو نزانی کا چ جورێ گرێکێ یە، رەنگە پێدڤی ب هندەک پشکنینێن دی بیت وەک مەموگرافی یان وەرگرتنا پارچەکا بچویک بو هندێ پشتراست بین چ تشتێ خراب نینە، و گۆتژی: دبێژینە هەمی خوشک و دایکا چ جاران ئەف فرەهبوونا لولوکان نابیتە جهێ مەترسیێ و نابیتە نەخۆشیێن ب مەترسی و چ گرێدان ب دوگیانێ ڤە نینە.
زێدەتر گۆت: جوداهیا وێ ئەوە ئەگەر گرێ بیت، ئەو جهێ مەترسیێ یە پێدڤیە هێشتا پشکنینا بو بکەت بو پشتراستبوونێ، و گۆتژی: ئەف حالەتە بەهرا پتر یا بێ ئەگەرە بو پەیدابوونێ، چونکو گەلەک ژنا یێن هەین و پێناحەسیێن رەنگە سونەرێ چێکەت ژنوی بزانیت ئەف حالەتە یێ ل دەف هەیی، ئەڤێن بڤی رەنگی و بێ ئەگەر بەس دویفچوونێ بو دکەین، دگەل هندەک رێنمایان بو نمونە کادێ ل مال چکەت، ئێک ژ وان رێنمایان ئەو جهێ ئەف جەندە لێ پەیدابوویی خۆ ل سەر درێژ نەکە، پێدڤیە ستیانێن وێ د فرەهبن و جگارەکێشانێ بهێلیت و کافاینا کێم بکەت و ئەگەر قەلەو بیت خو زەعیف بکەت، بەهرا پتر ب ڤان رێیا نبشا ددەبن، بەس دەمێ دهێن ئێشان و هەودان هەبن، وی دەمی ئەم چارەسەریان ددەینێ، هندەک جاران “خەراخ” پێدڤیە نشتەرگەریێ بوو بکەین و پاقژکەین، ئەگەر خەراج دو جار و سێ جاربیت پێدڤی ب نشتەرگەریێ یە، د نشتەرگەریێ دا ئەو لولوکە دێ هێنە راکرن، یان بەشەک یان هەمی، ئەگەر پشت گوهـ بدەن دێ هەوداننێن بەردەوام بو چێبن و خەراجێ دوبارە و حەلەما سینگی چیتە د ژوورڤە و ئەگەر چو ژۆرڤە ل پاشەرۆژێ دانا شیری دێ بزەحمەت کەڤیت.
