عەمار ئەلحەكیم سەرەدانا دەڤەرداریا ئاكرێ كـر
ئاكرێ، رەمەزان زەكەریا:
د. عەلی تەتەر، پارێزگارێ دهۆكێ دوهی 30/10/2024 ل ئاكرێ پێشوازی ل عەمار ئەلحەكیم، سەرۆكێ رەوتێ ئەلحكمە و شاندێ د گەل دا كر و د هەڤدیتنەكێ دا ب ئامادەبوونا مەردان خدر بەرپرسێ لقێ نەهێ پارتی و د. دلاوەر بوزۆ، دەڤەردارێ ئاكرێ بەحسێ رەوشا پارێزگەها دهۆكێ و پەیوەندیێن دێرین د ناڤبەرا سەركردایەتیا هەرێما كوردستانێ و بنەمالا ئەلحەكیم و سەركەفتنا پرۆسێسا هەلبژارتنێن پەرلەمانێ كوردستانێ ب گشتی هاتە كرن.
پارێزگارێ دهۆكێ خوشحالیا خۆ ب سەرەدانێ دیاركر و دوپاتی ل سەر پێشئێخستنا پەیوەنددیێن گشتی د ناڤبەرا خەلكێ هەرێما كوردستانێ و بنەمالا ئەلحەكیم و رەوتێ ئەلحكمە و بەغدایێ دا كر.
ژ لایێ خۆڤە سەرۆكێ رەوتێ ئەلحكمە خوشحالیا خۆ ب جوانی و پێشكەفتنا هەرێمێ و پارێزگەها دهۆكێ دیاركر و داخوازا خێر و خوشیێ بۆ هەموو خەلكێ دەڤەرێ كر.
پاشی سەید عەممار ئەلحەكیم، سەرۆكێ ڕەوتا نیشتیمانییا حیكمە یا ئیراقێ سەرەدانا هەژمارەكا مالبات و كەسایەتی و شێخ و ئاغایێن دەڤەرێ دا.
