كەڤالێن وێ دەربڕینێ ژ كارەسات و دەردەسەریێن ئێزدیان دكەن
بێوارحەمدی:
مونا سەباح، شێوەكارەكا گەنجە نوكە ل كەمپا قادیا دژیت، د دیدارەكێ دا بۆ رۆژناما ئەڤرۆ دبێژیت: دژیەكێ بچووكدا من حەزژ چێكرنا كەڤالان دكر، لەورا ئەز چوومە چەند خۆلێن فێركرنێ و ل 2021 ب دروستی من دەستپێكر و دێ بزاڤێ كەم رۆژ بۆ رۆژێ بەهرەیا خوە باشتر لێ بكەم و ناڤەرۆكا پتریا كەڤالێن من دەربڕینێ ژ كارەسات و دەردەسەریێن ئێزدیان دكەن.
هەروەسا گۆت: من دڤێت شێوەكاری ببیتە كارێ من یێ سەرەكی و بۆ من داهاتەك ژێ بهێت، لەورا كەڤالێن خوە دفرۆشم، من هندەك كەڤال فرۆتینە بهایێ وان ژ دەه هزار هەتا حەفتێ هزار دیناران بووینە، هیڤیا من ئەوە ئەز بشێم پتر یا بەردەوامبم و پشتەڤانیا من و ب دەهان كچێن دی یێن وەكو من كو خودان بەهرەیێن جودانە بهێتە كرن، ژبۆ هندێ ئەم هەموو پێكڤە خزمەتا هونەرێ كوردی بكەین و بەردەوام بەر ب پێشڤە ببەین.
